නමුත් මෙහි එක විශේෂත්වයක් තිබුණා. ඒ තමයි මේ ලියුම ලියලා තිබුනේ වයස අවුරුදු 6 වුන පුංචි දරුවෙක්.
අබ්දුල්ලා අබුබයිඩ් කියන මේ දරුවා තමන්ට එවපු ලිපිය සම්බන්ධයෙන් අගමැතිතුමා බොහොම පැහැදීමකින් තමයි කතා කරලා තිබුණේ.
ඔහු ඒ වෙනුවෙන් මේ පුංචි දරුවට ස්තුතිවන්ත වෙලත් තිබුණා.
පුංචි දරුවා එවපු ලිපියත් එක්ක ගොඩක් අයව සංවේදී කරවමින් අගමැතිතුමා පළකරලා තිබුණේ මෙන්න මෙහෙම කතාවක්.
"අද උදෑසන මට ලැබුණු ලිපියට වයස අවුරුදු 6 ක් වූ අබ්දුල්ලා අබුබයිඩ්ට මම ස්තූතිවන්ත වෙමි. එය මාව දිරිගැන්වූ අතර ධෛර්යමත් කර ඇති අතර වැඩිහිටි පරම්පරාව වශයෙන් අපගේ තරුණයින් කෙරෙහි අප සතු වගකීම මට මතක් කර දී තිබේ. කවදා හෝ ඔබව පුද්ගලිකව මුණගැසීමට මම බලාපොරොත්තු වෙමි"
ඉතින් තමන් වෙත වැදගත් පණිවිඩයක් ගෙන එන්නට සමත් වුන මේ වයස 6ක දරුවාව පැසසුමට ලක්කරමින් එතුමා පළ කළ මේ සටහනට ගොඩක් අයගේ පැසසුම් ලැබිලා තිබුණා. ඉතින් ඇත්තටම ඒ පුංචි දරුවා අගමැතිතුමාට ලිපියකින් කියලා තිබුණේ මෙන්න මෙහෙම කතාවක්.
මගේ නම අබ්දුල්ලා. මම ලන්ඩන් වල ජීවත්වෙන වයස අවුරුදු 6 වුන අඩක් බ්රිතාන්ය අඩක් ශ්රී ලංකා සම්භවයකින් යුත් පිරිමි ළමයෙක්. නමුත් මම හදවතින් 100% මගේ අපූරු ලංකාවට ආදරය කරන කොල්ලෙක්.
මම කැමතියි ලැබූ ජයග්රහණය වෙනුවෙන් ඔබට සුබ පතන්න. මගේ අම්මා ඒ ගැන හැම දෙයක්ම මට කියලා තියනවා. ඒ වගේම මට අවශ්යයි තවත් වැදගත් දෙයක් ඔබ සමග සකච්ඡා කරන්න.
කරුණාකර ඔබට පුලුවන්ද පරිසරය ඔබගේ පළමු වගකීම කරගන්න? මොකද අපේ අනාගතය රැඳිලා තියෙන්නේ ඔබේ අතේ.
මුහුද සමග බැඳුන ලංකාවේ තියන ඉතා අපූරු සුන්දර වෙරල තීරයන් රැක ගැනීම වෙනුවෙන් ක්රමත් වැඩපිළිවෙලක් නිර්මාණය කරන්න ඔබට පුලුවන්ද? එහෙම කළොත් කැස්බෑවන්ට පුළුවන් වේවි හැම අවුරුද්දකටම වතාවක් බොහොම පරිස්සමට ලංකාවට ඇවිල්ලා යන්න හරියට මම කරනවා වගේ.
මම ඔබට සුබ පතනවා ඉදිරි කටයුතුවලට.
අබ්දුල්ලා අබුබයිඩ්
(මව්බිම පුවත්පත)