ගම්පහ දිස්ත්රික්කයේ පෙරවරු 11 පසුවන විට ඡන්දය ප්රකාශ කිරීමේ ප්රතිශතය සියයට 35 ඉක්මවූ බවයි දිස්ත්රික් තේරීම් භාර නිලධාරී සුනිල් ජයලත් ප්රකාශ කළේ.
හම්බන්තොට දිස්ත්රික්කයේ ඡන්දය ප්රකාශ කිරීමේ ප්රතිශතය මධ්යහ්න 12 පසුවන විට සියයට 50 ඉක්මවනු ඇති බවයි දිස්ත්රික් තේරීම් භාර නිලධාරී බන්දුල හරිස්චන්ද්ර හිරු ප්රවෘත්ති අංශයට කියා සිටියේ.
යාපනය දිස්ත්රික්කයේ ඡන්දය ප්රකාශ කිරීමේ ප්රතිශතය පෙරවරු 11 ආසන්න වනවිට සියයට 25 ක පමණ අගයක් ගෙන තිබූ බවයි යාපනය තේරීම් භාර නිලධාරී එන් වේදනායගම් සඳහන් කළේ.
කිලිනොච්චි දිස්ත්රික්කයේ ඡන්දය ප්රකාශ කිරීමේ ප්රතිශතය මේ වනවිට දැක්වෙන්නේ සියයට 30 ක අගයක් ලෙසයි.
මාතර දිස්ත්රික්කයේ ඡන්දය ප්රකාශ කිරීමේ ප්රතිශතයද මධ්යහ්න 12 ට පෙර සියයට 35 ඉක්මවූ බව දිස්ත්රික් තේරීම් භාර නිලධාරී ප්රදීප් රත්නායක ප්රකාශ කළා.
මහනුවර දිස්ත්රික්කයේ ඡන්දය ප්රකාශ කිරීමේ ප්රතිශතය දැක්වුණේ සියයට 30 ට වැඩි අගයක් ලෙස බව දිස්ත්රික් තේරීම් භාර නිලධාරී තිස්ස කරුණාරත්න කියා සිටියා.
පුත්තලම දිස්ත්රික්කයේ මේ වනවිට ප්රකාශිත ඡන්ද ප්රතිශතය දැක්වෙන්නේ සියයට 40ක අගයක් ලෙස බවයි දිස්ත්රික් තේරීම් භාර නිලධාරී එන්.එන්.එම්. චිත්රානන්ද සඳහන් කළේ.
රත්නපුර තේරීම් භාර නිලධාරී මාලනී ලොකුපෝතාගම කියා සිටියේ එම දිස්ත්රික්කයේ පෙරවරු 11 පසුවනවිට ඡන්දය ප්රකාශ කිරීමේ ප්රතිශතය සියයට 40 ක් බවයි.
ත්රිකුණාමලය දිස්ත්රික්කයේ සියයට 25 කට ආසන්න ප්රතිශතයක් අද පෙරවරුව වනවිට ඡන්දය ප්රකාශ කර තිබූ බව දිස්ත්රික් තේරීම් භාර නිලධාරී එන්.ඒ.ඒ. පුෂ්පකුමාර සඳහන් කළා.
අනුරාධපුර දිස්ත්රික්කයේ ඡන්දය ප්රකාශ කිරීමේ ප්රතිශතය මේ වනවිට සියයට 35 ක් ලෙස වාර්තාවී ඇති බවයි දිස්ත්රික් තේරීම් භාර නිලධාරී ආර්.එම්. වන්නිනායක ප්රකාශ කළේ.
පොළොන්නරුව දිස්ත්රික්කයේ සියයට 45 ක ප්රතිශතයක් ඡන්දය ප්රකාශ කර ඇති බව දිස්ත්රික් තේරීම් භාර නිලධාරී පණ්ඩුක අබේවර්ධන කියා සිටියා.
මොණරාගල දිස්ත්රික්කයේ ඡන්ද විමසීමේ තත්ත්වය සාමකාමී වන අතර, මේ වනවිට ප්රකාශිත ඡන්ද ප්රතිශතය සියයට 45 ක් බව දිස්ත්රික් තේරීම් භාර නිලධාරීනි ඩී.එස්. පද්මකුලසූරිය සඳහන් කළා.
බදුල්ල දිස්ත්රික්කයේ ඡන්දය ප්රකාශ කිරීමේ ප්රතිශතය වාර්තාවී ඇත්තේ සියයට 54 ක් ලෙසයි.
මේ අතර මන්නාරම දිස්ත්රික්කයේ මේ වනවිට වාර්තාවී ඇති ඡන්දය ප්රකාශ කිරීමේ ප්රතිශතය සියයට 30 ක්. මඩකලපුව දිස්ත්රික්කයේ පෙරවරු 11 වනවිට සියයට 20 කට වැඩි ප්රතිශතයක් ඡන්දය ප්රකාශ කර තිබූ අතර, වවුනියාව දිස්ත්රික්කයේ සියයට 30 ඉක්මවූ ප්රතිශතයක් ඡන්දය ප්රකාශ කර තිබුණා.
අද පෙරවරු හතට ආරම්භ වූ ශ්රී ලංකාවේ හත්වන විධායක ජනාධිපතිවරයා තෝරාගැනීමේ ඡන්ද විමසීම පස්වරු 5 ට අවසන් වීමට නියමිතයි.