ඔහු කිසිවෙකුට ඇහුම්කන් නොදෙන තමන් විසින් නිති පනවමින් හා නීති ක්රියාත්මක කරමින් සිටින හිතුවක්කාර පාලකයෙක්. මේ රටේ ඇතුළාන්තයේ පවතින්නා වූ බොහෝ රහස්යමය තොරතුරු ලෝකයට හෙළිදරව් නොවෙන තරම්. ඒ කෙසේ වෙතත් යුදමය වාතාවරණයන් තුළ ඇමරිකාව හා තරඟ කරන්න පෙරමුණේ ඉන්න රටක් තමයි උතුරු කොරියාව කියලා කියන්නේ. (න්යෂ්ඨික හරඹය මීට කදිම නිදසුනක්.)
කෙසේ වෙතත්, අපි අද කියන්න හදන්නේ උතුරු කොරියාවට විතරක් ආවේණික අපූරු, අමුතුම විදිහේ නීති කිහිපයක් ගැන.
සංචාරය කරන්න යනවා නම් දැනගෙන යන්න..
ඔබ උතුරු කොරියාවට සංචාරයෙකු ලෙස යන්න හිතාගෙන ඉන්නවද? එහෙමනම් මේක බොහෝම වැදගත් වෙයි. ඒ මොකද සංචාරකයෙකු විදිහට යන ඔබව එරට පාලනාධිකාරිය විසින් සූක්ෂමව පරීක්ෂාවට ලක් කරනවා. ඒ ගැන හරියටම කියනව නම් ඔබේ අතිශය පුද්ගලික තොරතුරු, ජංගම දුරකථන දත්ත, ලැප්ටොප් පරිගණකවල දත්ත මේ සියල්ලක්ම ඔවුන් සතු කරගන්නවා. ඔවුන්ගේ රට අවධානමේ හෙළන යම් හෝ සැක කටයුතු දෙයක් හෝ පුද්ගලයෙකු සිටිනවා නම් දැඩි නීති ක්රියාත්මක කරන්න ඔවුන් පසුබට වෙන්නේ නැහැ.
කවුද ඉතින් අකැමැති විවිධ විලාසිතා අත්හදා බලන්න. ඔබ නිතර දෙවෙලේ දැකලත් ඇති උතුරු කොරියානු නායකතුමාගේ කොණ්ඩ විලාසිතාව එහෙම. ඒක එහෙම වුණා කියලා රටේ තරුණයින්ට තමන් කැමති විදිහේ විලාසිතා භාවිතා කරන්න නම් බැහැ. ඒ මොකද එරට රජය විසින් අනුමත කරපු විලාසිතා පමණයි ඔවුන්ට භාවිතා කරන්න පුළුවන් වෙන්නේ. ඒ අනුව අනුමත කොණ්ඩ මෝස්තර 28ක් පමණ ඇති බව තමයි කියන්නේ. මේ නීතිය පනවන්නේ 2013 ඉඳලා එරට පාලනය කළ කිම් ජුන් උන් විසිනුයි. ඔහු තම කොණ්ඩයට කැමැත්තෙන් ඉඳලා තියනවා වගේම අනිකුත් සියලු මෝස්තර තෝරා ඇත්තේ ඔහු විසින්.
උතුරු කොරියාවේ ආගමක් අදහන්න හිතාගෙන ඉන්නවනම් ඒ හීනය අත්හරින්න වෙනවා. කොටින්ම ආගමක් නැති පුද්ගලයෙකු විදිහටයි ඒ රටේ ඉන්න වෙන්නේ. ඔවුන් ආගමික විශ්වාස සහ ආගම තදින්ම ප්රතික්ෂේප කරනවා. ඒ වගේම ආගම අදහන අයට එරට රජය දැඩි දඬුවම් පමුණවනවා. (එය එසේ වුවත්, ඇතැම් විදෙස් වාර්තා පෙන්වා දෙන්නේ ආගම් අදහන පුද්ගලයින් එරට සිටින බවයි.)
සංචාරකයෙකු විදිහට එරට යනවා නම් දැඩි නීති රිතීවලට යටත් වෙන්න සිදු වෙන බව අපි කලිනුත් මතක් කළා. ඒ වගේම තමයි ඔබ සංචාරය කරන කාලය අතරතුර උතුරු කොරියානු රජය ඔබ ගැන දැඩි විමසිල්ලෙනුයි සිටින්නේ. ඔවුන්ගේ නීති රීති වලට යන්තමින් හෝ හානිදායක දේ සිදු කළොත් ඔබට සිරගත වෙන්නත් සිදු වෙනවා.
එරට පදිංචි ජනයාට පවා තමන්ගේ රට රාජ්ය තුළ සංචාරයක කිරීම සිදු කරන්න බැහැ. එසේ කරනවා නම් රජයෙන් විශේෂ අවසරයක් අවශ්ය වෙනවා. ඒ සඳහාම වුණු ලියකියවිලි පවා අවශ්ය වෙනවා. ඉතින් ඒ වගේම තමයි තමන් පදිංචි වෙන්න ඕනි කොතනද කියලා තීරණය කරන්නෙත් රජයයි. රජය එක්ක ඔබේ තියෙන සම්බන්ධතාවය අනුව තමයි ඒ තීරණය ඔබට ලැබෙන්නේ. ඒ වගේම තමන්ට කැමති තැනක පදිංචි වෙන හීනත් මේ රටේ කෙනෙකුට අත් හරින්න සිද්ධ වෙනවා. ඒ මොකද ඒ ගැන තීරණය කරන්නේ රජයයි. එතනදී පුද්ගලයින්ගේ සමාජ තත්ත්වය වගේම ඒ අය රජය එක්ක තියෙන සම්බන්ධතාවය මත පදිංචියට සුදුසු ස්ථාන තෝරා ගැනීම සිදු වෙනවා.
ඔන්න ඔබ උතුරු කොරියාවට යනව නම් ඒ රටේ නායකයන්ට වන්දනාමාන කරන්නත් සිද්ධ වෙනවා. කිව්වා වගේම ආගමක්, ධර්මයක් අදහන්න තහනම් වුණාට ඒ රටේ නායකයෝ තමන්ව අදහන එක ගැන ගොඩක් සැලකිලිමත් වෙනවා. මොකද ඒක අනිවාර්ය අංගයක්. තමන්ව ආරක්ෂා කරන්නේ මේ නායකයෝ කියන අදහසින් තමයි ඒ අය මේ විදිහට ඔවුන්ට වැඳුම් පිදුම් කරන්නේ.
ජන්දය ප්රකාශ කිරීම අනිවාර්යයි..
එරට මැතිවරණවලදී අනිවාර්යෙන්ම තමන්ගේ ඡන්දය භාවිතා කරන්න සිද්ධ වෙනවා. එහෙම නොකරනවා නම් ඒක දඬුවම් ලැබිය හැකි වරදක්. මැතිවරණය සඳහා තරඟ කරන්නේ එක් අයෙකු වුණත්, කිම් පවුලේ අවසරය මත වෙනත් කෙනෙකුටත් ඉදිරිපත් වෙන්න පුළුවන්.
සමාජ පංතිය තීරණය කරන්නේ රජය..
උතුරු කොරියාවේ ප්රධාන සමාජ පංතිය තීරණය කරන්නේ රජය විසිනුයි. ඒ සඳහා ඒ ඒ පුද්ගලයින්, පවුල්, සහ මුතුන්මිත්තන් රජය සමඟ තියෙන සබැඳියාව කොයි වගේ එකක්ද කියන එක තදින්ම බලපානවා.
Credit: සුන්දර ලෝකය (Sundara Lokaya)