මරදාන සහ කොටුව දුම්රිය ස්ථාන අතරදී, දුම්රිය දෙකක්, මුහුණට මුහුණලා ගැටීම සම්බන්ධයෙන් එක් දුම්රියක රියදුරු, නියාමකවරුන් දෙදෙනා සහ රිය සහායකගේ වැඩ තහනම් කර තිබෙනවා.
දුම්රිය සාමාන්යාධිකාරි ඩිලන්ත ප්රනාන්දු හිරු ප්රවෘත්ති අංශයට කියා සිටියේ සිදුකළ මූලික විමර්ශනයකින් අනතුරුව මෙලෙස ඔවුන්ගේ වැඩ තහනම් කළ බවයි.
මරදාන සහ කොටුව දුම්රිය ස්ථාන අතරදී අද පෙරවරුවේ මෙලෙස මුහුණට මුහුණලා ගැටී තිබුණේ කොළඹ සිට හලාවත දක්වා ධාවනය කර තිබූ දුම්රියක් සහ මරදානේ සිට කළුතර බලා ගමන් කරමින් තිබූ දුම්රියක්.
කෙසේ වෙතත්, අනතුරෙන් දුම්රිය දෙකට සහ මගීන්ට කිසිදු හානියක් සිදුවූයේ නැහැ.
කොළඹ සිට හලාවත දක්වා ගමන් කළ දුම්රියක් සහ මරදානේ සිට කළුතර බලා ධාවනය වූ දුම්රියක් එකම මාර්ගයක ගමන් කිරීම හේතුවෙන් මෙම අනතුර සිදුවුණා.
මරදානේ සිට කළුතර දක්වා ධාවනය වූ දුම්රිය සංඥා නොතකා පැමිණීම අනතුරට හේතුවී ඇති බව මූලික පරීක්ෂණවලදී අනාවරණ වී තිබෙනවා.
දුම්රිය සාමාන්යාධිකාරි ඩිලන්ත ප්රනාන්දු වැඩිදුරටත් කියා සිටියේ මෙලෙස වැඩ තහනම් කර ඇත්තේ මරදානේ සිට කළුතර බලා ගමන් කරමින් තිබූ 742 දරණ දුම්රියේ රියදුරාගේ නියාමකවරුන් දෙදෙනාගේ සහ රිය සහායකයාගේයි.
----------------------------------------------------------------------------------------------------Update:
මරදාන - කොළඹ කොටුව අතර දුම්රිය 2 ක් මුහුණට මුහුණ ගැටී අනතුරක් සිදුව තිබෙනවා.
අනතුරින් කිසිවෙකුටත් හානියක් සිදුව නොමැති බවයි වාර්තා වන්නේ.
කෙසේ වෙතත් මෙම අනතුර හේතුවෙන් ප්රධාන මාර්ගයේ දුම්රිය ප්රමාදයක් සිදුව තිබෙනවා.