මට වැඩි තීරණයක් ගැනීමට කාලයක් තිබුනේ නැහැ..
මට හිතෙන්නේ, ඇත්තටම මම වීරයෙක් නෙමෙයි..
මගීන් 233කු රැගත් ගුවන් යානයක් හදිසියේ ඇතිවූ අනතුරක් නිසා සාර්ථකව ගොඩබෑ ගුවන් නියමුවෙක් පිලිබදව මේ වනවිට සමස්ත ලෝකයේම අවධානය දිනාගෙන තිබෙනවා .
කුරුලු රංචුවවක ගැටීම හේතුවෙන් හදිසියේ ගොඩබැස්වූ රුසියානු ගුවන්යානයේ සිටි මගීන් 23දෙනකු තුවාල ලබා ඇතැයි වාර්තා වනවා.
යානය මොස්කව් නගර ආසන්නයේ ඉරිඟු වගා භූමියකට ගොඩබස්වා ඇති බවත් එම අවස්ථාවේ එහි මගීන් 233දෙනකු සිටි බවත් බලධාරීහු පවසනවා.
ගුවන්යානයට සැලකියයුතු තරමේ අලාභහානි සිදුවී ඇති අතර එය ධාවනය කළ නොහැකි තත්ත්වයේ පවතින බවත් ඔවුහු වැඩිදුරටත් සඳහන් කළා.
මොස්කව් නගරයේ ෂුකොව්ස්කි ජාත්යන්තර ගුවන්තොටුපලේ සිට ක්රිමියාවේ සිම්ෆෙරෝපොල් වෙතගමන් කරමින් සිටියදී යානයට මෙම අනතුර සිදුවී තිබෙනවා.
යානය ගුවන්ගතවී සුළු මොහොතකින් මුහුදු ලිහිණියන් රංචුවක් යානයේ වැදුණු බවත් යානයේ එන්ජිම ක්රියා විරහිතවීම හේතුවෙන් හදිසියේ ගොඩබැස්වීමට සිදුවූ බවත් ගුවන් නියමුවා සඳහන් කරනවා.
කෙසේවෙතත් මගීන්ගේ ජීවිත බේරාගැනීමට හැකිවීම ප්රාතිහාර්යක් බවයි එරට මාධ්ය පවසන්නේ.
ගුවන් යානාවල පක්ෂින් ගැටීම බොහෝවිට සිදුවුවද එමගින් ගුවන්යානාවලට අනතුරු සිදුවීම ඉතා කලාතුරකින් සිදුවන්නක් බව ගුවන් බලධාරීහු සඳහන් කරනවා.
කෙසේවෙත්තත් මෙම අනතුර පිලිබදව එම ගුවන් යානය ගෙන ගිය ගුවන් නියමුවාසිටි Captain Yusupov පැවසුවේ මෙවන් අදහසක්.
"එම අවස්ථාවේ මට කිසිමවිටක වීරයෙක් වීමට වුනේ නැහැ . මට අවශ්ය වුනේ ගුවන් යානය නැවතත් දෙවැනි එන්ජිම අක්රිය වීමට පෙර ගුවන්තොටුපලට ගෙන යාමයි.."
"එම මොහොතේ අපි හිටිය උස වැදගත් වුනේ නැහැ. මට අවශ්ය වුනේ දෙවෙනි එන්ජිම ක්රියාත්මක වීමට පෙර කෙසේ හෝ ගුවන්යානය සාර්ථකව ගොඩබැස්විමටයි. ඒත් මම දැක්කා දෙවැනි එන්ජිමත් අක්රිය වී තිබුනා. මට වැඩි තීරණයක් ගැනීමට කාලයක් තිබුනේ නැහැ. එම නිසා මං තීරණය කළා, එම ස්ථානයේදීම ගුවන් යානය ගොඩ බැස්වීමට. ගුවන් යානය සාර්ථකව ගොඩ බැස්වූ නිසා ගොඩක් මිනිසුන් කියනවා මම වීරයෙක් කියලා. ඒත් මට හිතෙන්නේ ඇත්තටම මම වීරයෙක් නෙමෙයි කියලා මම එවෙලේ හිතුවේ ගුවන් යානයේ සිටි මගීන් ගැන පමණයි.." යනුවෙනුයි.