පාස්කු ඉරුදින මෙරට ස්ථාන 8කට එල්ල වු ත්රස්ත ප්රහාර මලාවෙදී ත්රස්තයින් විසින් වැඩිම මිනිස් ජීවිත ප්රමාණයක් බිළිගනු ලැබුවේ කටුවපිටිය දේවස්ථානයෙන්.
එදා ගමම එකම මළගමක් බවට පත්කොට දෙවියන් යැදීමට දෙව්මැදුරට පැමිණි 115ක් පමණ වු පිරිසක් යළි නොඑන ගමනක් ගියා.
එකි ප්රහාරයේ රුදුරු බව කොතරම්දයත් ප්රහාරයට දෙමසක් සැපිරෙමින් තිබු ඊයේ දිනයේදීත් බරපතල තුවාල ලබා රෝහල් ගතව සිටි තවත් එක් තුවාලකාරියක් ජිවිතක්ෂයට පත්වුණා.
කටුවපිටිය දෙව්මැදුරේ ත්රස්ත ප්රහාරයට ගොදුරු වූ 73 හැවිරිදි ක්රිසෙන්ටියා පෙරේරා හිසට සිදුවූ බරපතල තුවාල හේතුවෙන් මීගමුව පෞද්ගලික රෝහලක ප්රතිකාර ලබමින් සිටියදී ඊයේ පස්වරුවේ මෙළොව හැරගියා.
ත්රස්ත ප්රහාරයට ගොදුරු වීමෙන් මෙම නිවසේ විසු ක්රිසන්ටියාගේ පුතුණුවන් හා ලේලියද මීට පෙර ජීවිතාක්ශයට පත්ව තිබෙනවා.
ත්රස්ත ප්රහාරයෙන් දෙවියන්ගේ ගෘහය ලේ විලක් බවට පත්වෙද්දි, තමන්ටත් නොදැනී අවසන් ගමන් ගිය කටුවාපිටියේ සිය ගණනක් සදාකාලික නින්දකට වැටුණේ මෙම පොදු සුසාන භූමියේයි.
ඒ අමිහිරි අතීතයේම රැදී සිටිමින් තවමත් තම සමීපතමයින් සිහිකරන්නාවු මිනිසුන් අදටත් නැතුවාම නොවේ.
පාස්කු ඉරුදින කුරිරු ප්රහාරයෙන් බරපතල තුවාල ලැබුවන් බොහෝ දෙනා අදටත් හෙට දවස වෙනුවෙන් සිහින දකිමින් සිටිනවා.
කෙසේ වෙතත් ප්රහාරයෙන් පීඩාවට පත්වුවන්ට සහන සැලසීමේ කටයුතු පිළිබද සොයා බැලු අපට දැනගැනීමට ලැබුනේ ප්රහාරයෙන් ජීවිතක්ෂයට පත්වුවන්ගේ පවුල් සදහා සහ තුවාල ලැබුවන් උදෙසා වන්දි ප්රදානයක් සිදුව තිබුණද, එය ප්රමාණාත්මකව සහ විධිමත්ව සිදුවී නොමැති බවයි.
මේ පිළිබදව කටුවාපිටිය ගම්මානය තුළ අප කළ සොයා බැලීමකදී අනාවරණය වුයේ කාදිනල් හිමිපාණන් ප්රමුඛ කතෝලික සභාව විධිමත් ලෙස සහන සැලසීමේ කටයුතු සිදුකර තිබුණද, රජයේ පාර්ශ්වයෙන් සිදු කරන ලද සහන සැලසීමේ සහ වන්දි ගෙවීමේ ක්රියාවලියෙදී නොසලකා හැරීම් සහ වන්දි ප්රමාණාත්මක නොවීම වැනි අඩුපාඩු සිදුව ඇති බවයි.
සුළු වැඩකින් පවා තම කොමිස් කුට්ටිය සොරා ගන්නාවු රටක, මෙම අවස්ථාවේදි හෝ රටක් ලෙස එකට එකතු වී පිඩාවට පත්වුවන් නැවත නගා සිටවීම රජයක වගකීමක් නොවන්නේද..? VIDEO