බරපතල තුවාල ලැබූ ළමුන් සිව්දෙනා කැකිරාව රෝහලට ඇතුලත් කිරීමෙන් පසු ඉන් තිදෙනෙකු මියගිය බව පොලිසිය සඳහන් කළා.
බරපතල තත්ත්වයේ පසුවන තවත් දරුවෙකු මේ වනවිට දඹුල්ල රෝහලේ ප්රතිකාර ලබනවා.
අනතුර සිදු කිරීමෙන් පසුව අදාල කැබ් රථය නොනවත්වා කැකිරාව ප්රදේශයද පසු කරමින් ධාවනය කර ඇති අතර ඉපලෝගම පොලිසිය විසින් කැබ් රථය නතර කරන ලෙස අණ කර තිබෙනවා.
එම අණද නොතකමින් තවත් ඉදිරියට ඇදුණු කැබ් රථය ලුහුබැඳ ගොස් නවතා ගත් බව පොලිසිය සඳහන් කළා.
එහිදී කැබ් රථයේ රියදුරු අත්අඩංගුවට පත්ව ඇති අතර එම අවස්ථාවේ කැබ්රථය තුල පස් දෙනෙකු ගමන් කර තිබෙනවා.
සිද්ධියත් සමඟ ප්රකෝපකාරී වූ ප්රදේශවාසීන් ඒ 9 ප්රධාන මාර්ගය තිබ්බටුවැව ප්රදේශයෙන් අවහිර කරමින් විරෝධතාවක නිරත වුණේ කැබ් රථයේ රියදුරු එම ස්ථානයට රැගෙන එන ලෙස පවසමින්.
මාර්ගයෙන් ඉවත් වන ලෙසට පොලිසිය විරෝධතාකරුවන්ගෙන් ඉල්ලීම් කලද ඔවුන් ඊට එකඟ වූයේ නැහැ.
අප වාර්තාකරුවන් පැවසූවේ කැබ් රථයේ රියදුරු අත්අඩංගුවට ගත් බව පැවසීමෙන් පසුව විරෝධතාව අවසන් වූ බවයි.
මෙලෙස ජීවිතක්ෂයට පත් වුණේ කොරසගල්ල ප්රදේශයේ පදිංචි වයස අවුරුදු 14, 15, 16 යන වයස්වල පසුවූ පාසැල් ළමුන් තිදෙනෙක්.
අනතුරින් මියගිය 14 වියැති එරන්ද ඒෂාන් තිලකරත්න කැකිරාව මධ්ය මහා විද්යාලයේ 9 වන ශ්රේණිය ඉගෙනුම ලැබූ සිසුවෙක්.
එම විද්යාලයේම 9 ශ්රේණියේ පදිංචි ඉමන්ත පසිදු හේරත්ටද මෙම අනතුරින් දිවි අහිමි වුණා.
තිබ්බටුවැව විද්යාර්ත විද්යාලයේ උසස් පෙල ඉගෙනුම ලැබූ අචින්ත ලක්ෂාන් හේරත් සිසුවා මියයන විට 16 වන වියේ පසුවුණා.
දඹූල්ල රෝහලේ බරපතල තත්ත්වයෙන් ප්රතිකාර ලබන 18 හැවිරිදි චරිදු ලක්මාල් සිසුවා ඉගෙනුම ලබන්නේ කොටාගල පේමානන්ද පිරිවෙනේයි.
අත්අඩංගුවට පත් කැබ් රථයේ රියදුරු 54 හැවිරිදි කුඩාහල්මිල්ලෑව ප්රදේශයේ පදිංචි විශ්රාමික සෙබලෙකු බවට තොරතුරු වාර්තා වන අතර ඔහු අද කැකිරාව මහේස්ත්රාත්වරයා හමුවට ඉදිරිපත් කිරීමෙන් පසු ලබන 19 දක්වා රක්ෂිත බන්ධනාගාර ගත කරන ලෙස නියෝග කර තිබෙනවා.
පොලිස් මූලික විමර්ශන වලදී අනාවරණය වී ඇත්තේ රියදුරුට නින්ද යාම හේතුවෙන් මෙම අනතුර සිදුව ඇති බවටයි.
මේ අතර, කොස්ගම සාලාව මංසන්ධියේදී ඊයේ රාත්රී 10ට පමණ කැබ් රථයක් ත්රීරෝද රථයක ගැටීමෙන් ත්රීරෝද රථයේ ගමන් ගත් 8 හැවිරිදි පාසැල් සිසුවෙකු ජීවිතක්ෂයට පත්වුණා.
එම අනතුර ඒ අසල තිබූ ආරක්ෂිත කැමරා වල සටහන්ව තිබුණා. VIDEO