Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Jan
07
අගමැති නිවසේ රජ කරන ලැරී - Photos

- අගමැති නිවසේ රජ කරන ලැරී - PhotosHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

10,508 Views
ස්ථානය - නොම්මර 10, ඩවුනින් වීදිය. ලන්ඩන් නගරය, අග්‍රාමාත්‍ය නිල නිවස, දුඹුරු හා සුදු පැහැති පූසෙකු අග්‍රාමාත්‍ය නිල නිවසෙහි ඉදිරිපස දොර අසළ බලා හිඳිනුයේ කවුරුන් හෝ පැමිණ දොර විවෘත කර ඔහුට නිවස තුළට යෑමට ඉඩ සලස්වන තෙක්ය. විනාඩි කිහිපයක් ගත වූ පසු අසළ මාර්ගයේ සිටි පොලිස් නිලධාරිවරයකු පැමිණ අග්‍රාමාත්‍ය නිල නිවසෙහි දොරටුව විවෘත කරත්ම පූසා නිවස තුළට පනිනු පෙනේ.

මේ ඉකුත් නොවැම්බර් මාසයේදී විදෙස් මාධ්‍ය තුළ සංසරණය වූ පුවතකි. පූසා අග්‍රාමාත්‍ය නිල නිවසෙහි ප්‍රධාන මීයන් දඩයම් කරන්නා වන ‘‘ලැරී’’ නමැති පූසාය. පුවතට පාදක වූයේ මද වර්ෂාවක් පැවැතීම නිසා තෙමුණු ලැරී නිල නිවසෙහි දොරටුව කවුරුන් හෝ විවාත කරන තෙක් බලා සිටීමේ සිද්ධියකි.

‘‘ලැරී’’ මේ වනවිට කුමන ආණ්ඩුවකින් අගමැතිවරයකු පත් වුවද අගමැති නිල නිවසෙහි මීයන් දඩයම් කරන්නාය. ඔහු එම නිවසෙහි ඇති කැබිනට් කාර්යාලයේ ද මීයන් දඩයම් කිරීමෙහි නිරතව සිටී. ජනමාධ්‍යයන්හි සුරතලෙකු වී ඇති ‘‘ලැරී’’ වත්මන් අගමැති තෙරේසා මේ ගේ පැමිණීමත් සමඟම අනිකුත් මීයන් දඩයම් කරන පූසන් ඉදිරියේ දරුණු ලෙස හැසිරෙන්නට පටන් ගත් බවට වාර්තා පළ විය.

ඩවුනින් ස්ට්‍රීට් වෙබ් අඩවියෙහි ‘ලැරී’ ගේ රාජකාරි කටයුතු ලෙස දක්වා ඇත්තේ අගමැති නිල නිවසට පැමිණෙන අමුත්තන් පිළිගැනීම, ආරක්‍ෂක වැටවල් නිරීක්‍ෂණය කිරීම හා නිවසෙහි ඇති පැරණි ගෘහ භාණ්ඩ පිරික්සීම යනාදියයි.

‘‘ලැරී’’ අගමැති නිල නිවසට හිසරදයක්ව පවතින මී උවදුරට හොඳම විසඳුම ලෙසද එම වෙබ් අඩවිය සඳහන් කර ඇත. කෙසේ වුවද හිටපු අගමැති ඬේවිඞ් කැමරුන්ගේ පාලන කාලය තුළදී ‘ලැරී’ ක්‍රියාශීලී මීයන් කොටුකර ගන්නා, අධික වේගයෙන් මීයන් පසුපස හඹා යන දඩයම් පූසෙකු ලෙස නම් දරා සිටි අතර ඔහු අගමැති නිල නිවසට පැමිණ මසකට පසු පුවත්පත් පවා ප්‍රකාශ කර ඇත්තේ ‘ලැරී’ මීයන් මැරීමේ දක්‍ෂතා නොමැති පුසෙකු බවයි. වසර 2011 අප්‍රේල් 22 දා ලැරී සිය ප්‍රථම මියා මරා දමා ඇත. එයට වසරකට පසු පුවත්පත් හෙළිදරව් කර ඇත්තේ ‘ලැරී’ මීයන් දඩයම් කරනවාට වඩා වැඩි කාලයක් නිදා ගැනීමට කාලය ගත කරන බවයි. එමෙන්ම ඔහු ‘මේසි’ නමැති ගැහැණු පූසා සමඟ කල් ගත කරන බවටද වාර්තා විය.

මෙම වාර්තාවල සත්‍යතාවක් ඇති බව පෙනී ගොස් ඇත්තේ 2011 වසරේදී ඩවුනින් වීදියේ අගමැති නිල නිවස මීයන්ගේ පාරාදීසයක්ව තිබීමත්, අගමැතිවරයා කැබිනට් ඇමැතිවරුන් සඳහා 2012 වසරේ අගෝස්තු මස පැවැත්වූ නිල නිවසෙහි පැවැති රාත්‍රි භෝජන සංග්‍රහයකදී මීයෙකුට ගෑරුප්පුවකින් දමා ගැසීමේ සිද්ධිය නිසාය.

හිටපු අගමැති ඬේවිඞ් කැමරන් විසින් සොයාගත් මීයෙකු අල්වා ගැනීමට කටයුතු නොකිරීම මත ලැරීව ප්‍රධාන මී දඩයම්කරු තනතුරෙන් 2012 වසරේදී ඉවත් කර තිබිණි. එවකට ටැබ්ලොයිඞ් මාධ්‍යයන් විසින් ‘ලැරී’ ගේ මන්දගාමී දඩයක්කාර කුසලතාවන් හේතුවෙන් ඔහුව ‘කම්මැලි ලැරී’ යනුවෙන් හඳුන්වා දී තිබිණි.

කෙසේ වුවද පසුව සිය සුපුරුදු රිද්මයට පැමිණි ‘ලැරී’2013 වසරේ ඔක්තෝබර් මස සති දෙකක් තුළදී මීයන් දෙදෙනකු දඩයම් කර තිබිණී.

මේ අනුව නැවතත් ඩවුනින් වීදියේ අගමැති නිල නිවසෙහි ප්‍රධාන මීයන් දඩයම් කරන්නා බවට පත්වූ ‘ලැරී’ කිසිවකුගේ පුද්ගලික දේපළක් නොව ඔහු සිවිල් සේවකයකු බවට හිටපු අගමැති කැමරන් විසින් 2016 වසරේදී ප්‍රකාශ කරන ලදී. මේ අනුව ආණ්ඩු වෙනස් වුවද ‘ලැරී’ අගමැති නිල නිවසින් පිටව නොයා යුතු බව ඔහු කීවේය.

වසර 2016 අගෝස්තු මාසයේදි ‘ක්‍රොම්වෙල්’ යනුවෙන් හැඳින්වෙන තවත් පූසෙකු අගමැති නිල නිවසෙහි ප්‍රධාන මීයන් දඩයම් කරන්නා තනතුරට පත් කරනු ලැබීය.

මේ සා බ්‍රිතාන්‍ය අගමැතිවරුන්ගේ ගෞරවාදරයට පාත්‍රව ඇති ‘ලැරී’ පූසා උපත ලබා ඇත්තේ 2011 වසරේ පෙබරවාරි මස 15 බවට වාර්තා වන අතර ඔහු ‘බැටර්සී සුනඛ හා පූසන්ගේ අනාථ නිවසෙහි ලැගුම් ගෙන සිටි දඩාවතේ යන පූසෙකි. ‘ලැරී’ ව තෝරාගෙන අගමැති නිල නිවසට ගෙනැවිත් ඇත්තේ නිල නිවසෙහි කාර්ය මණ්ඩලය විසිනි.

‘ලැරී’ 2012 වසරේ ඔක්තෝබර් මාසයේදී ඔහු හැදී වැඩුණු ‘බැටර්සී’ නිවාසය විසින් ‘බ්ලූ ප්ලේත්’ නමැති සම්මානයෙන් ද පුදා ඇත.

ඒමන්ති මාරඹේ




Make a Comment
Make a Comment


මෙන්න බලන්න තවත් ගොසිප්




Recent Gossip Post




Thaththe Oba Koheda - Thushi Thushara
Thaththe Oba Koheda
Thushi Thushara
⤵  41 Downloads

Thatu Salala Akase - Aieshwarya Wijewardhena
Thatu Salala Akase
Aieshwarya Wijewardhena
⤵  411 Downloads

Oba Enna - Peshala Rasanganee & Saman Welagedara
Oba Enna
Peshala Rasanganee & Saman Welagedara
⤵  166 Downloads

Nuba Sanda Wagemai - Mithila Ilesinghe
Nuba Sanda Wagemai
Mithila Ilesinghe
⤵  402 Downloads

Hitha Gaawa - Indika Kuruppuarachchi
Hitha Gaawa
Indika Kuruppuarachchi
⤵  729 Downloads

Awasan Mohothai (Sudu Manika) - Samith Nadeeshan Godage
Awasan Mohothai (Sudu Manika)
Samith Nadeeshan Godage
⤵  4,948 Downloads

Mal Thuhinaye - Roony
Mal Thuhinaye
Roony
⤵  480 Downloads

Ma Layata Lan Wee - Prasanga Thisera & Shashika Nisansala
Ma Layata Lan Wee
Prasanga Thisera & Shashika Nisansala
⤵  791 Downloads

Hithuwakkari - Malon Jerom
Hithuwakkari
Malon Jerom
⤵  588 Downloads

Mata Watahuna - Anushka Madushanka
Mata Watahuna
Anushka Madushanka
⤵  478 Downloads



Top 10 Commenters

Latest Comments

Top