මෙරට වන ඝනත්වය වැඩි කිරීම සදහා ක්රියාත්මක ව්යාපෘතිවලට සහය දැක්වීමක් ලෙස නොච්චියාගම රනෝරාව රජයේ වනාන්තරයේ අක්කර 5 ක භූමි ප්රදේශයක් ආවරණය වන පරිදි ගුවනින් බීජ ඉසීමේ වැඩසටහනක් ඊයේ (12) ක්රියාවට නැංවුණා.
කරඳ, මී සහ කුඹුක් යන ශාඛ වර්ගයන්ට අයත් බීජ ඊට යොදාගෙන තිබෙනවා.
බීජ 5000 ක් පමණ එම් අයි 17 වර්ගයේ හෙලිකොප්ටර් යානාවක් ආධාරයෙන් පොළොවට ඉසීම සිදු කළ බවයි ගුවන් හමුදාව කියාසිටියේ.
ශ්රී ලංකාවේ වන ඝණත්වය වැඩි කිරිමෙහිලා ක්රියාත්මක වන ව්යාපෘති ගණනාවක් සදහා ශ්රී ලංකා ගුවන් හමුදාව ගුවන් හමුදාධිපති එයාර් මාර්ෂල් කපිල ජයමිපති මහතාගේ නායකත්වය යටතේ සිය සක්රීය අනුග්රහය සපයමින් සිටිනවා.
එම මහගු කර්තව්යයේ තවත් එක් සුවිශේෂි අවස්ථාවක් ලෙස ශ්රී ලංකාවේ ප්රථම වරට මෙම ගුවනින් බීජ ඉසිමේ ව්යාපෘතියට ගුවන් හමුදාවේ දායකත්වය සැපයිම හැදින්විය හැකියි.
ශ්රී ලංකා ගුවන් හමුදාව මෙම සුවිශේෂි කාර්යට දායකත්වය සැපයිම තුලින් සිය ස්වකීය අභිමානය වන ගුවන් බලය මගින් තම ප්රධාන අරමුණ වන ජාතික ආරක්ෂාව තහවුරු කිරිමට අමතරව තම රටේ අනාගත පරම්පරාව වෙනුවෙන් හරිත අනාගතයක් දායාද කිරිම උදෙසා ඉමහත් සතුටින් මෙම ව්යාපෘතිය සදහා කැපවී සිටි.
මෙම ව්යාපෘතිය ක්රීයාවට නැන්වීම සදහා කටුනායක ගුවන් හමුදා කඳවුරු විධායක කෘෂි ඒකකය, පේරාදෙණිය විශ්වවිද්යාලය හා පුද්ගලික සමාගමක් සමග අත්වැල් බැදගත්තා.
ශ්රී ලංකාවේ තිරසාර සංවර්ධන ඉලක්කයක් වන වර්ෂ 2030 වන විට හරිත ආවරණය 27% සිට 32% දක්වා වර්ධනය කිරිම මෙමගින් අපේක්ෂා කරන මුලික අරමුණ බව සඳහන්.
නියමු ව්යාපෘතියක් වශයෙන් ක්රීයාවට නැංවු මෙම ව්යාපෘතිය රනෝරාව රජයේ වනාන්තරයේ අක්කර පහක පමණ භූමි ප්රදේශයක් ආවරණය වන පරිදි ගුවනින් බීජ ඉසීම සිදුකරනු ලැබුවා...
මෙම ප්රදේශය අනුරාධපුර ගුවන් හමුදා කඳවුරේ සිට ආසන්න වශයෙන් ගුවන් සැතපුම් 13 ක් පමණ දුරින් පිහිටා ඇති අතර මෙම මෙහෙයුමට කරඳ, මී සහ කුඹුක් යන ශාක වර්ගයන්ට අයත් බිජ යොදා ගත් බවයි පැවසෙන්නේ.