ඔක්තෝම්බර් මස 26 වැනිදා රනිල් වික්‍රමසිංහ අග්‍රාමාත්‍ය ධුරයෙන් ඉවත් කර මහින්ද රාජපක්ෂ අග්‍රාමාත්‍ය ධූරයට පත් කිරීමට ගත් තීරණය රට වෙනුවෙන් ගත් නිවැරදි තීන්දුවක් බව ජනාධිපති මෛත්‍රීපාල සිරිසේන ප්‍රකාශ කළා. 

සුගතදාස ගෘහස්ථ ක්‍රීඩාංගනයේ පැවති ශ්‍රී ලංකා නිදහස් පක්ෂ විශේෂ නියෝජිත සමුළුවට එක්වෙමින් ජනාධිපතිවරයා මේ බව කියා සිටියා. 

එහිදී පවතින දේශපාලන අර්බුදය සතියක කාලයක් තුළ අවසන් කරන බවයි ජනාධිපතිවරයා එහිදී අවධාරණය කළේ.  

අර්බුදකාරී තත්වය නිර්මාණය කළේ තමා නොවන අතර, එහි වගකීම භාරගත යුත්තේ එක්සත් ජාතික පක්ෂ නායකයා බව ජනාධිපතිවරයා එහිදී ප්‍රකාශ කළා.