ප්රවීණ ගායක වික්ටර් රත්නායක මහතාගේ බිරිඳ අමේන්ද්රා රත්නායකට විදේශගත වීමට අවසර ලබා දී තිබෙනවා. ඒ එළඹෙන ඔක්තෝබර් 17දා සිට දින කිහිපයක් ඕස්ට්රේලියාවේ සහ එංගලන්තයේ පැවැත්වෙන සංගීත සංගීත සංදර්ශනයක් සඳහා සිය සැමියා සමඟ යාමට අවසර ලබා දෙන ලෙස තංගල්ල මහාධිකරණයෙන් කළ ඉල්ලීමක් අනුවයි.
ඒ අනුව ඊයේ (19) දා ඇය විසින් කළ ඉල්ලීම සළකා බැලූ තංගල්ල මහාධිකරණ විනිසුරු ආර්.එස්.එස්. සපුවිද මහතා විසින් වික්ටර් රත්නායකගේ බිරිඳට රුපියල් ලක්ෂ දහයක බැඳුම්කරයක් සහ පුද්ගල ඇපයක් මත විදෙස් ගතවීමට අවසර ලබා දී ඇති අතර පුද්ගල ඇපය තබන පුද්ගලයා සතු විදෙස් ගමන් බලපත්රයද මහාධිකරණය හමුවේ තැබිය යුතු බවත් සැකකාරිය නැවත ශ්රී ලංකාවට පැමිණෙන තුරු ඇපකරුට විදෙස්ගත වීම තහනම් කරමිනුත් නියෝගයක් නිකුත් කර තිබුණා.
වික්ටර් රත්නායක මහතාගේ බිරිඳ පසුගිය 2012 සිට 2016 දක්වා කාලය තුළ තංගල්ලේ රාජ්ය බැංකුවක සේවය කරමින් සිටි කාලය තුළදී එහි උකස් අංශයේ තිබූ රුපියල් දොලොස් ලක්ෂ අසූදහසක් වටිනා රන් භාණ්ඩ වංචාවක් සම්බන්ධයෙන් අත්අඩංගුවට ගෙන අධිකරණයට ඉදිරිපත් කිරීමෙන් පසු ඇප මත නිදහස්ව සිටියා.ඒ අනුවවයි ඇයට විදෙස් ගමන් තහනමක් පණවා තිබුනේ.
කෙසේ වෙතත් ඔක්තෝබර් 17 සිට නොවැම්බර් 10දා දක්වා විදෙස් සංචාරයේ යෙදීමටත්, ශ්රී ලංකාවට පැමිණ දින හතක් ඇතුළත නැවත ඇයගේ විදෙස් ගමන් බලපත්රය තංගල්ල මහාධිකරණ රෙජිස්ට්රාර්වරයාට භාර දෙන ලෙසත් මහාධිකරණ විනිසුරු නියෝග කර තිබෙනවා.