Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Jun
12
"අවුරුදු 18 දී මම නාවික හමුදාවට බැඳුණා,මගෙ අතපසු වෙන වැඩ එහෙම කරලා දෙන්නෙ ගැහැනු ළමයි තමයි.." - දිමංක වෙල්ලාලගේ

- "අවුරුදු 18 දී මම නාවික හමුදාවට බැඳුණා,මගෙ අතපසු වෙන වැඩ එහෙම කරලා දෙන්නෙ ගැහැනු ළමයි තමයි.." - දිමංක වෙල්ලාලගේHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

11,500 Views
"ඒ කිසිම සම්බන්ධතාවයක්වත් සාර්ථක වුණේ නැහැ..."

"කොච්චර ගුටි කෑවත් කවුරුත් කාවවත් පාවලා දුන්නේ නැහැ..."

ප්‍රසංග වේදිකාවට නැතුවම බැරි ගායකයෙක් විදිහට දිමංක වෙල්ලාලගේ හදුන්වා දෙන්න පුළුවන්. ඔහු ගයන හැම ගීතයක්ම අතිෂ ජනප්‍රිය වෙනවා. විරහා ගීතයට මුල්තැන දෙන දිමංක ගායකයෙක් වෙන්න කලින් හමුදා සේවයේ යෙදී හිටපු කෙනෙක්. ඒ ගැන වගේම ඔහුගේ අතීතය ගැන තොරතුරුයි මේ.

දිමන්කගෙ පාසල මොකක්ද?
ගාල්ල ශ්‍රී සුමංගල විද්‍යාලය.

පාසල් යන කාලෙ දිමන්ක මොන වගේ චරිතයක්ද?
මගේ වැඩ ටික කරගෙන මම පාඩුවේ හිටියා.
 
ඒ කාලේ කරපු අමතර වැඩ මොනවද?
ක්‍රිකට් සෙල්ලම් කළා. මියුසික් තමයි වැඩිපුරම කළේ. ඉස්කෝලෙ මොකක් හරි උත්සවයක් තිබුණොත් මම අනිවාර්යයෙන්ම සිංදුවක් කියනවා. ඒ වගේම තබ්ලාත් වාදනය කළා.
 
යාළුවොත් ගොඩක් හිටියද?
ඔව් යාළුවො නම් ගොඩක් හිටියා. ඒ කාලෙ ගොඩක් විනෝදෙන් තමයි හිටියේ.
 
ඒ හිතවත්කම් අදටත් තියෙනවද?
මගේ ළඟින්ම හිටපු යාළුවො කීප දෙනෙක් අදටත් නිතරම කතා කරනවා. ඒ හිතවත්කම් තවමත් ඒ විදියටම තියෙනවා.
 
ගැහැනු ළමයින්වත් ගොඩක් ආශ්‍රය කළාද?
පිරිමි යාළුවො වගේ ගැහැනු යාළුවොත් ගොඩක් හිටියා මට. ගැහැනු ළමයින් මාත් එක්ක ගොඩක් හිතවත්. මගෙ අතපසු වෙන වැඩ එහෙම කරලා දෙන්නෙ ගැහැනු ළමයි තමයි. ඒ සමහර අය අදටත් මට ගමේ ගියාම හම්බවෙනවා.
 
ඒ අතරින් විශේෂ ගැහැනු යාළුවෙක් හිටියා නේද?
විශේෂ කෙනෙක් කියලා නම් හිටියේ නැහැ. පාසල් යන කාලේ පොඩි පොඩි සම්බන්ධකම් නම් තිබිලා තියෙනවා. ඒ සම්බන්ධතා එතරම් දුරදිග ගිය ඒවා නෙමෙයි. ඒ කාලෙ ආකර්ෂණයක් ඇති වුණු අයත් ඉන්නවා. ඒක ඉතින් ආදරයම නෙමෙයිනේ. ඒ කිසිම සම්බන්ධතාවයක්වත් සාර්ථක වුණේ නැහැ.
 
ප්‍රසංගවලට ගියාම පාසල් කාලේ යාළුවන් මුණගැහිලා කතා කරනවද?
ඔව් ඔව් අනිවාර්යයෙන්ම කතා කරනවා. ඔවුන්ව නිතරම මුණගැහෙන්න බැරි වුණත් හැමදාම අපේ මතකයේ ඉන්නවා.
 
පාසලේදී වැඩිපුරම දක්ෂ වුණේ මොන විෂයන්වලටද?
පාඩම් කරලා උත්තර ලියන විෂයන්වලට මම ගොඩක් දක්ෂයි. සිංහල, බුද්ධාගම, සමාජ අධ්‍යයනය, ඉතිහාසය වැනි විෂයන් මට හොඳටම පුළුවන්. ඒ විෂයන්වලට මට විශිෂ්ට සාමාර්ථ පවා තියෙනවා.
 
අකමැති විෂයන් එහෙමත් තිබුණද?
ඔව් අකමැති විෂයන් නම් තිබුණා. පාසල් යන කාලේ මම හැම පීරියඞ් එකක්ම වගේ කට් කරලා තියෙනවා. වැඩිපුරම කළෙත් පීරියඞ් කට් කරපු එක තමයි. මම වැඩිපුරම හිටියේ සංගීත කාමරේ. පීරියඞ් එක කට් කරලා සංගීත කාමරේ ඉන්නකොට ඒ විෂයට අදාළ ගුරුවරයා මාව හොයාගෙන ඇවිල්ලා මට දඬුවම් කරපු අවස්ථා ගොඩක් තියෙනවා. ගණිතය, විද්‍යාව වගේ පීරියඞ්වල මම පන්තියේ ඉන්නෙම නැහැ.
 
උසස් පෙළ හැදෑරුවේ කුමන විෂය ධාරාවෙන්ද?
මම උසස්පෙළට කළේ කලා විෂයන්. නමුත් මට පොඩි හේතුවක් නිසා උසස් පෙළට පෙනී ඉන්න ලැබුණේ නැහැ.
 
පාසල් කාලෙ සිදුවුණු අමතක නොවන සිදුවීමක් තියෙනවද?
අමතක නොවන සිදුවීම් නම් තියෙනවා. මම පාසලේ බටහිර ශිෂ්‍යභට තූර්ය වාදක කණ්ඩායමේ හිටියා. සියලූම පාසල්වල ශිෂ්‍යභට තූර්ය වාදක කණ්ඩායමේ ළමුන්ට අවුරුද්දකට සැරයක් රන්ටැඹේ කඳවුරක් පැවැත්වෙනවා. ඒ කඳවුරට සහභාගී වෙන්න අපේ පාසලේ තූර්ය වාදක කණ්ඩායමේ ළමයි හික්කඩුවේ ඉඳන් රන්ටැඹේට යනවා. අපි යන්නේ බස් එකේ. ඒ ගමන හරිම සුන්දරයි. ඒක අදටත් විඳින්න පුළුවන් සුන්දර මතකයක්.
 
පොඩි කාලෙ ඉඳන්ම තිබුණේ ගායකයෙක් වීමේ හීනයක්ද?
පුංචි කාලේ එහෙම විශේෂ ආසාවක් තිබුණේ නැහැ. නමුත් මට හොඳට ගීත ගායනා කරන්න පුළුවන් කියලා දැනගෙන හිටියා. පාසලේ විවිධ උත්සවවල දී මම ගීත ගායනා කරලා තියෙනවා. පාසලෙත් ගොඩක් අය මාව අඳුරනවා. අවුරුදු 18 දී මම නාවික හමුදාවට බැඳුණා. නාවික හමුදාවේ ඉන්න කාලෙ සමහර වෙලාවට යාළුවොත් එක්ක එකතු වෙලා සිංදු කියනවා. මට හොඳට සිංදු කියන්න පුළුවන් නිසා ගායකයෙක් වුණා නම් නේද හොඳ කියලා මගෙ යාළුවො ගොඩ දෙනෙක් මට කියලා තියෙනවා. ඊට පස්සෙ තමයි මටත් හිතුණේ ගායකයෙක් වෙන්න මට පුළුවන්කමක් තියෙනවා නේද කියලා. මම නාවික හමුදාවෙන් නීත්‍යානුකූලව අයින් වෙලා ක්ෂේත්‍රය ගැන ඉගෙන ගත්තා. ඒ කාලෙ මම සංගීතයත් ඉගෙන ගත්තා. මම තවම සංගීතය ඉගෙන ගන්නවා. ඒ කාලය තුළ නිර්මාණවලදී මට ගොඩක් දෙනෙක් උදව් කළා. ඒ සියලූම දෙනාගේ උදව්ව නිසා තමයි අද මම මේ ක්ෂේත්‍රයේ ඉන්නෙ.
 
දිමන්ක වැඩිපුරම විරහ ගීත ගායනා කරන්නේ ඇයි?
විරහ ගීත කියලා විශේෂයක් නැහැ. මට ඕනෑම ගීතයක් ගායනා කරන්න පුළුවන්. මම හිතන විදියට මගේ හඬට වැඩිපුරම ගැලපෙනවා ඇත්තේ විරහ ගීත වෙන්න ඇති. මගෙ (කියඹු ලතාවේ) ගීතය විරහ ගීතයක් නෙමෙයි. නමුත් ඒ ගීතය බොහොම ජනප්‍රිය වුණා. මම ක්ෂේත්‍රයට ආපු මුල් කාලෙ මට වැඩිපුරම ලැබුණේ විරහ ගීත. අද කාලේ යන රැල්ලත් එක්ක අපිට විරහ ගීතත් ගායනා කරන්න වෙනවා. එකම රාමුවකට කොටු නොවී විවිධ ගීත ගායනා කරන්න ගායකයෙක්ට පුළුවන් වෙන්න ඕනේ.
 
පාසල් යන කාලේ ලැබුණු අමතක නොවන දඬුවම මොකක්ද?
අම්මෝ. සෑහෙන්න දඬුවම් ලබලා තියෙනවා. අපි ඕලෙවල් කරන කාලේ අපේ පාසලේ සම්මන්ත්‍රණයක් තිබුණා. ඒ සම්මන්ත්‍රණයට වෙන පාසලක ළමයිනුත් ආවා. ඒ පාසලේ ළමයි එක්ක අපේ පාසලේ ළමයි පොඩි ප්‍රශ්නයක් ඇති කරගෙන තිබුණා. ඒ නිසා ප්‍රින්සිපල් අපේ පන්තියේ ළමයි හැමෝවම අව්වේ දණ ගස්වලා තිබ්බා. නමුත් කවුරුත් කාවවත් පාවලා දුන්නේ නැහැ.
 
ගායකයෙක් වෙලා අද ඉන්න තැන ගැන දිමන්කට මොකද හිතෙන්නේ?
අද ඉන්න තැන ගැන මට සෑහීමකට පත්වෙන්න බැහැ. මම හිටපු තත්ත්වෙත් එක්ක අද වෙනකොට මට සමාජයෙන් යම් පිළිගැනීමක් ලැබෙනවා. ඒ වගේම ජීවත්වෙන්න හොඳ ආර්ථික මට්ටමක් තියෙනවා. කලාව තුළ තව ලොකු ගමනක් යන්න ඕනේ. ඒ තුළ නම් අද ඉන්න තැන ගැන මට සෑහීමකට පත්වෙන්න බැහැ.

 සඳුනි ඉමල්කා
Make a Comment
Make a Comment


මෙන්න බලන්න තවත් ගොසිප්




Recent Gossip Post




Sanda Savee - Dammika Aluthgama
Sanda Savee
Dammika Aluthgama
⤵  1,748 Downloads

Amara - Roony
Amara
Roony
⤵  2,868 Downloads

Maha Wassa - Dr.Pradeep Rangana
Maha Wassa
Dr.Pradeep Rangana
⤵  8,088 Downloads

Sandawathiye - Ashan Fernando
Sandawathiye
Ashan Fernando
⤵  26,663 Downloads

Supurudu Oya - Shehan Perera
Supurudu Oya
Shehan Perera
⤵  27,305 Downloads

Ridi Rekawak - Sirimevan Ilankoon
Ridi Rekawak
Sirimevan Ilankoon
⤵  244,178 Downloads

Ang - Rashimi Api
Ang
Rashimi Api
⤵  3,158 Downloads

Seetha Pavan Yai Hama - Rajiv Sebastian, Suneth Kelum, Shanika Wanigasekara, Supriya Abeysekara, Nishi Tennakoon, Indunil Andaramana, Shiromi Rathnayake, Harsha Udakanda, RukyBoy, Dhammika Bandara,Uthpala Sumudumali, Eranga Lanka, Sangeeth Kodithuwakku, Chamika Prasad, Sarath De Alwi
Seetha Pavan Yai Hama
Rajiv Sebastian, Suneth Kelum, Shanika Wanigasekara, Supriya Abeysekara, Nishi Tennakoon, Indunil Andaramana, Shiromi Rathnayake, Harsha Udakanda, RukyBoy, Dhammika Bandara,Uthpala Sumudumali, Eranga Lanka, Sangeeth Kodithuwakku, Chamika Prasad, Sarath De Alwi
⤵  3,405 Downloads

Sirakari - Shiromi Rathnayake
Sirakari
Shiromi Rathnayake
⤵  3,238 Downloads

Naththal - Nalin , Keerthi , Noel , Shashika , Rohitha , Shanika , Theekshana , Dinesh , Pasindhu , Sandaruwan
Naththal
Nalin , Keerthi , Noel , Shashika , Rohitha , Shanika , Theekshana , Dinesh , Pasindhu , Sandaruwan
⤵  49,431 Downloads



Top 10 Commenters

Latest Comments

Top