ඇලෙක්සැන්ඩ්රා බැනිස්ටර් කියන්නේ ලස්සනට චිත්ර අදින තරුණියක්. ඒ වගේම ඇය වේශ නිරුපන ශිල්පිණියක්. ඇමරිකානු අධ්යක්ෂකවරයෙක් වන Steven Spielberg අධ්යක්ෂණය කළ 'War Horse' කියන චිත්රපටයේ අශ්වයින්ගේ වේශ නිරූපණ ශිල්පීන්ගේ උපදේශිකාව විදිහට පත් කළේ. වර්ෂ 2011 තිරගත වුනු මේ චිත්රපටය බොක්ස් වාර්තා බිද දමන්න සමත් වුණා. ඒ ඇමරිකන් ඩොලර් මිලියන 177.6 ක් උපයමින්.
මේ චිත්රපටය සදහා අශ්වයින් 80ක් පමණ යොදාගෙන තිබෙන අතර මේ අශ්වයින් වේශ නිරුපනය කරන්න සේවකයින් විසි හය දෙනෙක් පමණ ඉදලා තියෙනවා. ඇය තමයි එහි ප්රධානත්වය ගත්තේ. මේ චිත්රපටය රූගත කරන්න පටන් ගත්තේ 2010 වර්ෂයේ ජුනි මාසේ. මේ චිත්රපටය රූගත කරලා අවසන් වෙනතුරුම මේ අය උදේ ඉදලා රෑ වෙනකල්ම අශ්වයින්ව හැඩගන්වලා. සති පහක කාලයක් ඇය මේ වෙනුවෙන් කැප වෙලා.
අශ්වයින්ව මේකප් කරන්නේ කොහොමද කියලා බොහෝ අයට හිතෙන්න පුළුවන්. චිත්රපටිවල නළු නිළියන්ව චරිතවලට ගැළපෙන විදිහට වේශ නිරුපනය කරද්දී තුවාල දර්ශන විවිධ පැල්ලම් වගේ දේවල් වේශ නිරුපනය කරනවා වගේම අශ්වයින්වත් වේශ නිරුපනය කරලා. අශ්වයින්ගේ තුවාල මඩ, ලේ පැල්ලම්, සිරීම් මෙන්ම සුදු අශ්වයාව වෙනත් වර්ණයක් ගැන්වීම මේ හැමදෙයක්ම චිත්රපටය බලන අපිට ඇත්ත සිදුවීම් වගේ දනවන්නේ මේ මේකප් වලින්. ඒ විතරක් නෙමෙයි සතුන්ව නිර්මාණයකට ගන්නකොට ඒ සතාගේ මුහුණේ ඉරියව් පවා මේකප් වලින් වෙනස් කරන්නේ මේ කියන සතුන් වේශ නිරුපනය කරන්නන් තමයි.
ඇය මාධ්යට මෙහෙම කියලා තිබුණා.
" මම පුංචි කාලේ ඉදලා චිත්ර අදින්න ආසයි.. මගේ ගෙදර අශ්වයෙක් ඉන්නවා. මම මුලින්ම මගේ අශ්වයාව එක එක විදිහට මේකප් කළා. මම ගෙදර මගේ අශ්වයා එක්ක ඉන්නකොට තමයි මුලින්ම චිත්රපටය සදහා ආරාධනා ලැබුණේ. මගේ මුල්ම අවස්ථාව මට ලැබෙන්නේ 'War Horse' කියන චිත්රපටයට.මේ හරහා මම ගොඩක් ජනප්රිය වුණා. ඒ වගේම වෙනත් චිත්රපටි සදහා ආරාධනා ලැබුනා.."