ගුවන්යානයේ ප්රධාන නියමුවා ශ්රී ලාංකිකයෙක්...
කටුනායක බණ්ඩාරනායක ජාත්යන්තර ගුවන් තොටුපොළ ධාවන පථය නවීකරණය කොට යළි විවෘත කිරීම නිමිත්තෙන් එය සැමරීම සඳහා එමිරේට්ස් ගුවන් සමාගම ලෝකයේ විශාලතම මගී ගුවන් යානයක් ඊයේ (14) දින සවස 4.30 ට පමණ ඩුබායි සිට කටුනායක ගුවන් තොටුපොළ වෙත එවා තිබුනා.
එම යානය පිළිගැනීමට කටුනායක ගුවන් තොටුපොළ තුළ උත්සවයක් සංවිධානය කර තිබූ අතර, එයට ගුවන් සේවා අමාත්ය නිමල් සිරිපාල ද සිල්වා , නියෝජ්ය අමාත්ය අශෝක අඹේසිංහ, එමිරේට්ස් ගුවන් සමාගමේ ජේෂ්ඨ උප සභාපති අහමඩ් කූරි, සීමාසහිත ගුවන් තොටුපොළ සහ ගුවන් සේවා සමාගමේ සභාපති සමන් එදිරිවීර , පැමිණි ගුවන් යානයේ ප්රධාන නියමු උදය තිලකරත්න, සහායක නියමු අල් මිහාරි ඇතුළු විශාල අමුත්තන් පිරිසක් සහභාගි වී සිටියා. .
මෙම යානය ප්රංශයේ නිෂ්පාදිත ඒ -380 වර්ගයට අයත් එකක් වන අතර , එහි මගීන් 540 කට එකවර ගමන් කළ හැකියි.