නිවාඩුවට නිවසට පැමිණ සිටියදී උණහපුළුවකුට ජලය දීමට ගොස් අත සපාකෑමෙන් පසුව නිසි ප්රතිකාර ලබා නොගැනීම නිසා ජල භීතිකා රෝගය වැලදුණු බවට සැකකරන යුධ හමුදා කෝප්රල්වරයෙකු ප්රතිකාර සදහා අනුරාධපුර ශික්ෂණ රෝහලට ඇතුලත් කිරීමෙන් පසුව පෙරේදා(15) දහවල් ජීවිතක්ෂයට පත් වු බව අනුරාධපුර ශික්ෂණ රෝහල කියා සිටිනවා.
හිරල්ලුගම- ඇටවීරගොල්ලෑව කැබිතිගොල්ලෑව ලිපිනයේ පදිංචිව සිටි 35 හැවරදි දෙදරු පියෙකුවූ වැලිකන්ද කන්දකාඩූ යුද හමුදා කදවුරේ රියදුරෙකු වශයෙන් සේවයේ නිරතවූ කෝප්රල් ජේ.එස්.කේ.ආර්.ජයසේන යන අය මෙසේ අවාසනාවන්ත අයුරින් ජිවිතක්ෂයට පත් වී තිබෙනවා.
කෝප්රල්වරයා මීට මාස හයකට පමණ ඉහතදී නිවාඩු ලබා නිවසට පැමිණ සිටියදී උණ හපුළුවෙකු නිවස ඉදිරිපිට පැමිණ බලා සිටියදී උණ හපුළුවාට වතුර අවශ්ය යැයි සිතා ජලය ලබාදීමට ගිය අවස්ථාවේ සෙබළාගේ අත සපාකෑ බව බිරිදට පවසා තිබුණු බව පැවති හදසි මරණ පරික්ෂණයේදී අනාවරණය වුනා.
තුවාලය සුවවීම සදහා ප්රතිකාර ලබා ගත්තත් ජල භීතාකාව රෝගයෙන් වැලකීම සදහා ඔහු එන්නත් ලබා ගැනීමක් සිදුකර නොමැති බවත් මරණකරුට වෙනත් සතෙකුගෙන් අනතුරක් සිදුවී නැති බවත් වෙනත් කිසිදු අතුරු ආබාධයක් නොතිබූ බවත් අනුරාධපුර ශික්ෂණ රෝහලේ හදිසි නාගරික මරණ පරික්ෂක එච්.එම්.කුළසේකර හමුවේ පැවත්වූ මරණ පරික්ෂණයේදී අනාවරණයවූ බවයි අප වාර්තාකරු පවසන්නේ.
මරණයට පත්වූ යුද හමුදා සෙබළාගේ පශ්චාත් මරණ පරික්ෂණය ඊයේ(16) අනුරාධපුර ශික්ෂණ රෝහල් මෘත ශරිරාගාරයේදී පැවත්වීමට නියමිතව තිබුනා.
සුනඛයන්ට අමතරව දඩු ලේණුන්, උණ හපුළුවන්,ඌරූ මියන් වැනි සතුන්ගෙන් ජල භීතිකා රෝග කාරකය ශරිරගතවිය හැකිබවත් ජල භීතිකා රෝග කාරකය ඉතා සෙමෙන් ශරිරයේ ක්රීයාත්මකවී මරණය සිදුවන බව ජ්යෙෂ්ඨ කායික රෝග වෛද්යවරයෙකු සඳහන් කළා.