Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Jun
04
ඔබේ දරුවා විජලනය වුණොත් මේ දේ කරන්න

- ඔබේ දරුවා විජලනය වුණොත් මේ දේ කරන්නHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

12,736 Views
දරුවෙකුගේ ශරීරයේ සමස්ථ බරෙන් 60-80% ක් පමණ පවතින්නේ ජලයයි. උපතේදී, ශරීරයේ බරෙන් 80% ක් පමණ ජලය පවතින අතර, ක්‍රමයෙන් වයස වැඩිවත්ම ශරීරයේ පවතින ජලය ප්‍රතිශතය අඩුවීම සිදුවේ.

 සාමාන්‍යයෙන්, දහඩිය, මුත්‍රා, මළපහ වැනි තරල සහ ද්‍රව්‍ය මගින් මිනිස් සිරුරෙන් ජලය ඉවත්වීම සිදුවේ. එලෙස ඉවත්වන ජලය ප්‍රමාණය නැවත පිරවීම සඳහා ප්‍රමාණවත් තරම් දියර පානය කරන්නේ නැතිනම්, විජලණය (Dehydration) වීම සිදුවිය හැක. එනම්, ප්‍රමාණවත් පරිදි දියර පානය නොකරන දරුවෙක් විජලණයට ලක්වේ.

එමෙන්ම, ශරීරයේ පවතින ජලය වැඩිපුර ඉවත්වීමට ලක්විය හැකි රෝගයකදී හෝ තත්ත්වයකදී වුවද විජලණය වීම දැකිය හැක. උදාහරණ වශයෙන්, දිගටම පවතින වමනය, දියර ලෙස මළපහ පිටවීම, සහ පරිසර උෂ්ණත්වය ඉහළ යාම දැක්විය හැක. සැබැවින්ම, දරුවා විජලණයට ලක්වුවහොත් කුමක් කල යුතුද?

 

දරුවා විජලණයට ලක්වුවහොත් හඳුනාගන්නේ කොහොමද?

පහත සඳහන් ලක්ෂණ ඔබේ දරුවාගෙන් විද්‍යාමාන වේ නම්, දරුවා විජලණයට ලක්වී ඇතැයි සිතිය හැක.

– මද ප්‍රමාණයේ සිට මධ්‍යම ප්‍රමාණය දක්වා විජලණය වීම

දිව වියළි ස්වභාවයක් ගැනීම.
දරුවා හඬන විට අඩුවෙන් කඳුළු පිටවීම හෝ කඳුළු පිටනොවීම.
ළදරුවෙකු නම් නොසන්සුන් ස්වභාවයක් ගැනීම.
ළදරුවෙකු නම් පැය 6 ක කාලයක් මුත්‍රා පිටනොකිරීම.
දරුවෙකු නම් පැය 8 ක කාලයක් මුත්‍රා පිටනොකිරීම.
– දරුණු ලෙස විජලණය වීම

දරුවාගේ මුඛය දැඩි වියළි ස්වභාවයක් ගෙන ඇලෙන සුළු බවට පත්වීම.
දරුවාගේ සම වියළී, රැළි ගැසුණු ස්වභාවයක් ගැනීම හෝ ඔබේ ඇඟිළි වලින් දරුවාගේ සමේ නැම්මක් ඇතිකල පසු නැවත මුල් පිහිටුමට ඒමට වේලාව ගතවීම (මෙය විශේෂයෙන් උදරයේ, බාහුවල සහ පාදවල දැකිය හැක).
දරුවා සක්‍රීය නොවීම, අවධානය අඩුවීම, හෝ අධික ලෙස නිදිමත වීම.
ඇස් ගිළුණු ස්වභාවයක් ගැනීම.
ළදරුවෙකුගේ නම් හිසේ උකුණු වල ගිළුණු ස්වභාවයක් ගැනීම.
ළදරුවෙක් නම් පැය 8 ක් හෝ එයට වැඩි කාලයක් මුත්‍රා නොකිරීම.
දරුවෙක් නම් පැය 10 ක් හෝ එයට වැඩි කාලයක් මුත්‍රා නොකිරීම.
වේගයෙන් සහ ගැඹුරෙන් හුස්මගැනීම.
නාඩි වැටෙන වේගය ඉහළයාම හෝ නාඩි වැටීම දුර්වල ලෙස දැනීම.
 

දරුවා විජලණයට ලක්වුවහොත් කුමක් කල යුතුද?

මද ප්‍රමාණයේ විජලණය වීමක් සඳහා නිවසේදීම පිළියම් කල හැක. ඔබේ දරුවාට වමනය වීම නොමැතිව, දියර ලෙස මළපහ පිටවේ නම්, සාමාන්‍ය පරිදි ආහාරපාන ලබාදීම සිදුකල හැක. ඔබේ දරුවාට වමනය වීම ඇත්නම්, කිරි ආහාර සහ ඝන ආහාර ලබාදීම නවත්වා:

ළදරුවෙක් නම් සෑම විනාඩි 15-20 කට වරක් ජීවනී (Oral re-hydration solution or ORS) මේස හැන්දක් බැගින් ලබාදීම සිදුකල හැක. එමගින්, ශරීරයෙන් පහවන දියර සහ ඛණිජ ලවණ නැවත ලබාදීමට හැකියාව ලැබේ.
වයස අවුරුදු 1 ට වඩා වැඩි දරුවෙක් නම්, ජීවනී, තැඹිළි වැනි අවර්ණ දියර සෑම විනාඩි 15-20 කට වරක් තේ හැඳි 1-2 බැගින් ලබාදිය හැක.
නමුත්, ඔබේ දරුවාට දරුණු ලෙස විජලණය වීමක් ඇතැයි හැඟේ නම් හෝ දරුවා දියර පානය කිරීම ප්‍රතික්ෂේප කරන්නේ නම් හෝ දියර පානය නොකරයි නම්, ඉක්මනින් රෝහලකට රැගෙන ගොස් ප්‍රතිකාර ලබාදීමට කටයුතු කල යුතුය.

 

දරුවා විජලණයට ලක්වීම වළක්වාගන්නේ කොහොමද?

හොඳින් අත් සේදීම, දරුවා විජලණයට ලක්වීමට හේතුවන බොහොමයක් රෝග වැළඳීම වැළැක්වීම සඳහා කලහැකි වැදගත් උපක්‍රමයකි. එමනිසා, නිවසේ සිටින සියළු දෙනා ආහාරපාන ගැනීමට පෙර සහ වැසිකිලි, කැසිකිලි භාවිතයෙන් පසු සබන් යොදා හොඳින් අත් සේදීමට පුරුදුවීම කල යුතුය.

රෝගයක් වැළඳුණු විට හෝ විජලණය වීමට ඉඩ ඇති පරිසර තත්ත්වයන් ඇති විට, නිතර කුඩා ප්‍රමාණයන්ගෙන් දියර පානය කිරීමට දරුවාට පුරුදුකරන්න.

දරුවාට වමනය යෑම ඇත්නම්, සජලණය කිරීම සඳහා අවර්ණ දියර පමණක් භාවිතා කරන්න

(අන්තර්ජාලයෙන් උපුටා ගන්නා ලදී)
Make a Comment
Make a Comment






Recent Gossip Post




Oba Dakina Dakina - Chandrasena Hettiarachchi
Oba Dakina Dakina
Chandrasena Hettiarachchi
⤵  109 Downloads

Sihinenwath - Roshan Buddhika
Sihinenwath
Roshan Buddhika
⤵  49 Downloads

A Oya Nisa - Nishi Tennakoon
A Oya Nisa
Nishi Tennakoon
⤵  114 Downloads

Hodin Oya - Nuwan LakSri
Hodin Oya
Nuwan LakSri
⤵  924 Downloads

Pemwantha Sith Kone - Nuwan Samarasekara
Pemwantha Sith Kone
Nuwan Samarasekara
⤵  5,192 Downloads

Ahinsakaviya - Janaka Katipearachchi
Ahinsakaviya
Janaka Katipearachchi
⤵  1,396 Downloads

Sundara Digasiya - Don Rajeev ft. Gloria & Dicky Boy
Sundara Digasiya
Don Rajeev ft. Gloria & Dicky Boy
⤵  2,295 Downloads

Sihina Wilak - Asantha Peiris
Sihina Wilak
Asantha Peiris
⤵  5,794 Downloads

Unuhumata Innam - Ishini De Silva
Unuhumata Innam
Ishini De Silva
⤵  5,646 Downloads

Idiappan Kade - Reload Samantha
Idiappan Kade
Reload Samantha
⤵  6,081 Downloads



Top 10 Commenters

Latest Comments

Top