රොෂාන් තවමත් කාර්යබහුල සිනමාව එක්කද..?
ඔව්. පහුගිය දවස්වල අලුත් සිනමා නිර්මාණයකට සම්බන්ධ වුණා. ඒකේ වැඩ ඉවර වුණේ ළගදි. එකත් එක්ක තමයි මම කාර්ය බහුල වුණේ. ඊට අමතරව මම රංගනයෙන් සම්බන්ධ වුණ ෆේස් ටු ෆේස් සිනමාපටයත් තියෙනවා.
රංගනයට අවතීර්ණ වුණ කාලේ ඉදලා පෙම්වතාගේ චරිත වැඩිපුර ලැබෙන්නේ.රොෂාන්ට පෙම්වතාගේ රාමුවෙන් මිදෙන්න අවස්ථා ලැබෙන්නේ නැද්ද..?
මම කැමතියි විවිධ චරිතවල රගපාන්න. නමුත් ආරාධනා වැඩිපුර ලැබෙන්නේ පෙම්වතාගේ චරිත. වෙනස් චරිත කරලා තියෙන්නේ සීමිත ප්රමාණයයි. මට අවස්ථාවක් ලැබුණොත් අනිවාර්යයෙන්ම මම වෙනස් චරිත භාර ගන්නවා.
සිනමාවට වැඩි ඉඩක් වෙන් කරලා තියෙන නිසාද පුංචි තිරයෙන් දකින්න ලැබෙන්නේ නැත්තේ..?
මම අවුරුදු දෙකක් විතර කිසිම ටෙලි නාට්යකට සම්බන්ධ වුණේ නැහැ. මගේ හිතට වදින චරිතයක් තිබුණේ නැති නිසා. අවුරුදු දෙකකට පස්සේ රොමැන්ටික් චරිතයක් ලැබුණා. ඒක ආත්මීය බැදීමක් තියෙන කතාවක චරිතයක් විදිහට හදුන්වන්න පුළුවන්. වෙනස්ම කතාවක්. පිටපත ලස්සනට ලියැවිලා තියෙනවා. ඒ චරිතයට මගේ හිත ඇළුම් කරනවා. ඒ නිසා මම හිතුවා ඒ චරිතයට පණ පොවන්න.
බොහෝ ජනප්රිය චරිත විවාහයෙන් පස්සේ දකින්න නොලැබෙන්නේ නිර්මාණ නොලැබීම හා ප්රතිචාර මදිකම මත කියලා කතාවක් තියෙනවා. විවාහ වුණාට පස්සේ රොෂාන්ටත් ඒ ඉරනමම අත් වුණාද..?
මම ජනප්රියිද නැද්ද කියලා දන්නේ දකින මිනිස්සු. මට නම් එහෙම කිසිම වෙනසක් වෙලා නැහැ. විවාහ වුණත් මට ආදරේ කරන අය ඉන්නවා. ඒ වගේම වැඩ ලැබෙන ප්රමාණයේ මදිකමක් ඇත්තෙත් නැහැ.
ඒ කියන්නේ තවමත් ආදරේට ඇරයුම් ලැබෙනවා කියන එකද..?
මට විතරක් නෙමෙයි. ජනප්රිය බොහෝ අයට විවාහ වුණත් නැතත් ආදරේට ඇරයුම් ලබන අය ඉන්නවා. ඒක සාමාන්ය දෙයක්. අදටත් මට ආදරෙයි කියලා යෝජනා කරන අය ඉන්නවා.
කාර්යබහුලකම එක්ක පුද්ගලික ජිවිතේට කාලයක් වෙන් කරන්න පුළුවන්ද..විවාහකයෙක් විදිහට කාර්ය බහුලකම එක්ක වගකීම් මග හැරෙනවද..?
මට වඩා මගේ බිරිඳ කාර්යබහුලයි. නමුත් අපි අපිට කාලය වෙන් කරගන්නවා. දෙන්නම සහයෝගයෙන් වැඩ කරනවා. එයාව මට ලැබෙන්නේ මම ජනප්රිය වෙන්න කලින්. ඒ නිසා ඉස්සර ලැබුණු සහයෝගය තවමත් කුෂ්ලානිගෙන් මට ලැබෙනවා. මාව හොදින් තේරුම් අරගෙන ඉන්න කෙනෙක් නිසා එයා එක්ක ජිවත් වෙන්න හරිම ලේසියි. අපි දෙන්නම ගෙදර ඉන්න වෙලාවට මමත් එයාට ගෙදර වැඩවලට උදව් කරනවා. වගකීම් මග හරින්නේ නැහැ.
පුංචි පවුල සම්පුර්ණ කරගන්න තවත් කාලයක් ගන්නද බලාපොරොත්තු වෙන්නේ..?