වෛද්යවරුන් දෙවියන්ට සමාන කරන්නේ වෙදකමෙන් පණ අදින අයගේ රෝග පවා සුව කරන නිසයි.
ලංකාවේ පුංචි දේටත් වෛද්යවරු වැඩවර්ජන කරන නිසා ඒ පැහැදීම කෙමෙන් ඉවත් වෙනවා.
හරි අපුරූ සටහනක් මුහුණත් පොතට එකතු වෙලා තිබුණා. පසුගියදා වෛද්යවරු වැඩවර්ජන කරද්දී වයස අවුරුදු 22ක තරුණයෙක් හදිස්සියේම දෙහිඅත්තකන්ඩිය මුලික රෝහලට ඇතුළත් කරනවා.
අසාධ්ය තත්ත්වයේ පසු වුණු මේ තරුණයාට හදිසියේම ශල්යකර්මයක් සිදු කරන්න නියම කරනවා. ඒ තරුණයාට බඩවැල් ආශ්රිතව අවහිරතාවයක් නිසා.
නමුත් ශල්යකර්මය සිදු කරන වෛද්යවරවරයා එම දිනට දින දෙකකට පෙර එම රෝහලේම ඔහු නේවාසිකව ප්රතිකාර සදහා රෝහල්ගත කරනවා.
ඒ බඩවැල් ආශ්රිත ආසාධනයකට ප්රතිකාර ලබන්න. එක පැත්තකින් වෛද්යවරු වැඩවර්ජන සිදු වෙද්දී රෝහල්ගත කළ තරුණයා අසරණ වෙනවා.
නමුත් ශල්ය විශේෂඥ වෛද්ය උදයංග මදගොදහෙට්ටි මහතා ඔහුගේ රෝගී තත්ත්වය නොසිතා අර තරුණයාගේ ජීවිතය බේරාගන්න මැදිහත් වෙනවා.
වම් අතේ තිබෙන කනියුලාවෙන් වේදනාව එද්දී ඔහු ඔහුගේ වේදනාව රෝගය පසකින් තබා රෝගී ඇදෙන් නැගිට ශල්යාගාරයට යනවා. තරුණ රෝගියාව ශල්යකර්මයට සුදානම් කරනවා ඒ අතරතුර. මේ ශල්ය විශේෂඥ වෛද්ය උදයංග මහතාට නිර්වින්දන වෛද්යවරයා ඇතුළු වෛද්ය කණ්ඩායමක් සහයෝගය දක්වනවා ශල්යකර්මය සිදු කරගන්න.