මීතොටමුල්ල කුණු කන්ද වෙනුවෙන් අරගල කළ කීර්තිරත්නගේ කඳුලු කතාව - Video - Another Tears Story From Meethotamulla - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Apr

මීතොටමුල්ල කුණු කන්ද වෙනුවෙන් අරගල කළ කීර්තිරත්නගේ කඳුලු කතාව - Video

1 Views

බිරිඳ, බෑණනුවන්, සහ මිණිබිරිය කුණු කන්ද ගිලගෙන...

"මුණුබුරයි මායි විතරයි මේකෙන් ගැළවුනේ"

"මරාගෙන මැරෙන බෝම්බයක් බැඳගෙන ගිහිල්ලා මුන් ඔක්කොම විනාශ කරගෙනයි මම මැරෙන්නේ"

දරුණු පාරිසරික ගැටලුවලට හේතුවක් වුණු මීතොටමුල්ල කසළ කන්ද ඉවත් කරන ලෙස ඉල්ලා ප්‍රදේශවාසීන් පසුගිය කාලයේ අරගල ගණනාවක නිරත වුණා.

ඒ අරගල විසඳුමකින් තොරව අවසන් වූවත් පසුගියදා සිදුවූ ඛේදවාචකයෙන් ඒ අරගලකරුවන්ට අත්ව ඇත්තේ කෙබඳු ඉරණමක් ද?

කීර්තිරත්න පෙරේරා මීතොටමුල්ල කසළ කන්දට එරෙහි ජනතා ව්‍යාපාරයේ කැඳවුම්කරුයි.

තමන්ගේ ජීවිතවලට ඉහළින් මීතොටමුල්ල කසළ කන්ද ටිකෙන් ටික ගොඩනැගෙද්දී ඊට එරෙහිව සටන් කරන්නට කීර්තිරත්න මහතා පෙරමුණ ගන්නේ භයංකර අනාගත ඉරණමක පෙර නිමිති දුටු පුද්ගලයෙකු ලෙසින්.

අවස්ථා ගණනාවකදීම මීතොටමුල්ල කසළ කන්දට එරෙහි ජනතා ව්‍යාපාරයේ අරගලවල ක්‍රියාකාරිව නිරත වන කීර්ති රත්නමහතා කසළ කන්දෙන් තම ජීවිත මෙන්ම ප්‍රදේශවාසීන්ගේ ජීවිත ද බේරා ගන්නට උත්සාහ දරන්නේ වඩා යහපත් වූ අනාගතයක් වෙනුවෙන්.

තමන්ගේ ජීවිතය පිළිබඳව ද නොසිතා කසළ කන්ද වෙනුවෙන් අරගලයේ යෙදුණු කීර්තිරත්න මහතා වරෙක ප්‍රහාරයකට ද ලක් වන්නේ ගැටලුව තව තවත් බරපතළ කරමින්.

තමන්ගේ ගැටලුවලට සාධාරණයක් ඉල්ලා ප්‍රදේශවාසීන් සමග එක්ව අරගලයේ නිරත වුණු කීර්තිරත්න නොබියම බලධාරීන්ට අභියෝග කළ අවස්ථා එමටයි.

අක්කර 20 කට ආසන්න ප්‍රදේශයක් වසා පැතිර ගිය මීතොටමුල්ල කසළ කන්දට තමන්ගේ ජීවිත ගිල ගන්නට ඉඩ නොදී ආරක්ෂා වෙන්නට තමන් සතු සියලු ශක්තිය යෙදවූ කීර්තිරත්න මහතාට අද අත්ව ඇත්තේ කෙබදු ඉරණමක් ද?

අලුත් අවුරුද්ද සමරමින් සිටි මීතොටමුල්ල - දහම්පුර ප්‍රදේශවාසීන් භීතියට පත් කරමින් මීතොටමුල්ල කසළ කන්ද පුපුරා හැලුණා.

අනතුරින් ප්‍රදේශවාසීන් ගණනාවකට ජීවිත අහිමි වෙද්දී ඒ වේදනාව කීර්තිරත්න මහතාට ද උරුම වන්නේ දෛවයේ සරදමකට මෙන්.

මේ අනතුරින් කීර්තිරත්න මහතාගේ ආදරණීය බිරිඳ වූ 67 හැවිරිදි චන්ද්‍රා මානෙල් පෙරේරා මහත්මිය මියගියා.

එමෙන්ම තමන්ගේ බෑණනුවන් වූ 42 හැවිරිදි ටී.කේ. අරවින්දත් මිණිබිරිය වූ දස හැවිරිදි යසංගා හිමිදිරී වරංගනා මීතොටමුල්ල කසළ කන්ද ගිලගෙන ඇත්තේ කීර්තිරත්න මහතාට දුක තව තවත් උරුම කරමින්.

ඊට අමතරව කීර්ති රත්න මහතාගේ දියණිය වූ 39 හැවිරිදි නිලූ චාමිකා තුෂාරිනි ද සිද්ධියෙන් අතුරුදන්.

මිනිසුන් වෙනුවෙන් නොනවතින අරගලයක පෙරගමන්කරුවෙකු වූ කීර්තිරත්න පෙරේරා මහතා අද තමන්ට අහිමිවිය හැකි සියලු දේ අහිමි වූ පුද්ගලයෙක්.

නිසි කළමනාකරණයකින් විසඳිය හැකි ගැටලුවකට බලධාරීන් මැදිහත් නොවීම මේ තරම් ඛේදවාචකයක් උරුම කරද්දී අසාධාරණයන්ට එරෙහිව අරගල කරන මිනිසුන්ට එම ගැටලුව පරාවළල්ලක් වීම කෙතරම් අකාරුණිකද?