විවාහ වුණත් වෙනස් නොවුණු ආදරයක් ගැන සචිනි අයේන්ද්‍රා කියන කතාව - Photos - Sachini Ayendra Article - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

...

Feb

විවාහ වුණත් වෙනස් නොවුණු ආදරයක් ගැන සචිනි අයේන්ද්‍රා කියන කතාව - Photos

1 Views

‘‘එයා අකැමතියි කියලා නැහැ“

‘‘නිළියක් වුණත් නැතත් කාන්තාවක් විදිහට ලස්සනට ඉන්න ඕන“

‘‘මම එක වේලක් විතරයි බත් කන්නේ..“

සචිනි අයේන්ද්‍රා කියන්නෙ රුවැත්තියක්. රූපය නිසාම ටෙලිවිෂනයේ සහ රිදී තිරයෙත් ඇයට ඇති ඉල්ලුම ඉතා ඉහළයි.

සචිනිගේ අලුත්ම විස්තර සහ තවත් තොරතුරු ගොඩක් සචිනි සති අන්තපුවත්පතකට කියලා තිබුණෙ මේ විදිහට.

සචිනි කාලේකට පස්සේ රංගනය එක්ක කාර්යබහුල වෙලා කියලා ආරංචියි?

මම අන්තිමට රඟ පෑ චිත්‍රපටය විකාශය වුණේ 2014 අවුරුද්දේ ඒකට පස්සේ කිසිම නිර්මාණයකට රංගනයෙන් දායක වුණේ නැහැ. ඒ නිසා ලොකු විවේකයක් ලැබුණා. ඊට පස්සේ ඉතිං ආයෙමත් රඟපෑවොත් හොඳයි කියලා හිතුනා. දැන් ආයෙමත් රඟපානවා. ඒත් එක්කම කාර්යබහුල වෙලා.

විවේක සුවයෙන් හිටියේ හොඳම නිර්මාණයකට ඇරයුම් ලැබෙනතුරුද ?

දරුවො දෙන්නා එක්ක වැඩිපුර කාලයක් ගතකළා. පොඩ්ඩගේ වයස දැන් අවුරුදු දෙකයි. මට ආයෙමත් රඟපාන්න පුළුවන් වයසක එයා ඉන්නේ. ඒත් එක්කම හොඳ නිර්මාණ දෙකකට ඇරයුම් ආවා. මගහැරගන්න එක අපරාධයක් නිසා ඒවාට සම්බන්ධ වුණා.

දෙදරු මවක් වුණාට තවමත් ශිෂ්‍ය චරිතවලට ඇරයුම් ලබන්න පෙනුමක් තියෙන එක ගැන මොකද හිතෙන්නේ ?

ඒ ගැන සතුටුයි විවාහ වුණාට පස්සේ ගොඩක් වෙලාවට පෙම්වත් චරිත හෝ ළාබාල චරිත ලැබෙනවා අඩුයි. ඒ වයසට ගැළපෙන නිළියොත් ඕන තරම් ඉන්නවා. ඒත් මාව මේ චරිතයට තෝර ගත්තේ පෙනුම නිසා වෙන්න ඇති. ඒ වගේම චරිතය හොඳට හසුරවයි කියන විශ්වාසය නිසා වෙන්නත් ඇති. මම කොහොමත් හැමදාම පෙනුම ගැන සැළකිලිමත් වෙනවා.

සචිනි වැඩිපුරම කතා බහට ලක් වුණෙත් සචිනිගේ ඩයටින් ප්ලෑන් එක නිසායි. පෙනුම ගැන හිතලද ඩයට් කරන්නේ ?

ඔව් නිළියක් වුණත් නැතත් කාන්තාවක් විදිහට ලස්සනට ඉන්න ඕන කියලයි මම හිතන්නේ. මම දැන් අවුරුදු පහක විතර ඉඳලා කෑම පාලනය කරනවා. ව්‍යායාම් කටයුතුවල නිරත වෙනවා. ඒ වගේම සමහර අය ඩයට් කරනවා කියලා නොකා නොබී ඉන්නවා. එහෙම කරන්න ඕනේ නැහැ. ස්වාභාවික කෑම, බීම වැඩිපුර අරගෙන පිටි කෑම අඩුකළා නම් ලස්සනට ඉන්න පුළුවන්. ඒකට කැපකිරීම විතරයි ඕන දවසක් ඩයට් කරලා කම්මැලිකමට ඊලඟ දවසේ නොකර හිටියොත් කොහොමත් වැඩක් නැහැ. මම එක වේලක් විතරයි බත් කන්නේ. අනෙක් වේල් දෙක පෝෂ්‍යදායී කෑම වේලක් කරගන්නවා.

ඒ කියන්නේ සචිනිට හොඳට කට පාලනය කරගන්න පුළුවන් ?

අපොයි පුළුවන්.මම කොහොමත් කෑමවලට පෙරේත කෙනෙක් නෙමෙයි. මම කෑම ගැන හිතන්නේ නැහැ. මට ඕනෑම දෙයක් කන්නත් නොකා ඉන්නත් පුළුවන්.

සචිනි ඩයට් කරන නිසා ගෙදර අනිත් අයට කෑම ප්‍රශ්නෙදි අවාසි සහගත දේවල් වෙනවා ඇති.?

කොහෙත්ම නැහැ. අනිත් අයට ඕව විදිහට කෑම ගෙදර හදනවා. අපේ ගෙදර මට කෑම වෙනම උයනවා වගේම බබාලා දෙන්නට වෙනමත් හස්බන්ඩ්ට වෙනමත් කෑම හදනවා. ඒ නිසා තවම නම් කෑමට ප්‍රශ්න මතුවෙලා නැහැ.

රංගන ජීවිතේ කාර්යබහුලකම එක්ක ගෙදර වැඩවලට කාලය වෙන් කරන්න වෙලාවක් තියෙනවද ?

ගෙදර වැඩ මගේ අතින් නෙමෙයි වෙන්නේ. උයන්න මට වෙලාවක් නැහැ. නමුත් අම්මා කෙනෙක් බිරිඳක් විදිහට වෙන්න ඕන යුතුකම් මම ඉටු කරනවා. ෂූටින් යන්නෙත් දරුවො දෙන්නා සැමියා එක්ක ඉන්න වෙලාව වෙන් කරගෙනයි.

සචිනි ආයෙමත් දීර්ඝ කාලයක් රඟපානවද ?සැමියගෙන් රඟපෑමට අවසර ලැබෙනවද?

එයා අකැමතියි කියලා නැහැ. මට තවම අකමැත්ත කියලත් නැහැ. මම වැඩක් භාර ගත්තොත් එයා ඒක කරන්න නිදහස දෙනවා. එපා කියන්නෙත් නැහැ. ඇත්තටම මම දිගටම රඟපාන්න ආසයි. ඉවත් වුණොත් හැකියාව ගෙදරට සීමා වෙනවා. මම එහෙම වෙන්න කැමති නැහැ.

ඉඳහිට දකින සචිනිට ප්‍රේක්ෂක ප්‍රතිචාරවල අඩුවක් නැද්ද ?

කිසිම විදිහකින් අඩුවක් වෙලා නැහැ. ඉඳහිට දැක්කත් මම විවාහ වුණා කියලවත් මට තියෙන ප්‍රේක්ෂක ආදරේ අඩුවෙලා නැහැ.