පසුගිය කාලය පුරා ශ්රී ලංකා ක්රිකට් සම්බන්ධව අසන්නට ලැබුණේ එතරම් සුභදායක ආරංචි නොවේ. ඒ මුදලට තරඟ පාවාදීමේ සිද්ධි මෙන්ම තහනම් උත්තේජක සිද්ධි සම්බන්දයෙන් විවිධ පාර්ශවයන් වෙත චෝදනා එල්ලවීමත් ක්රිකට් ආයතනයේ ඇතැම් පුද්ගලයින්ගේ වැඩ තහනම් වීමත් නිසාවෙන්.
අතර සිටි ශ්රී ලංකා ක්රිකට් පාලක මණ්ඩලයේ පුහුණුකරුවකු වන අනූෂ සමරනායක තරඟ පාවාදීමට සම්බන්ධ බව කියමින් වැඩ තහනම් වූ අයෙක්. නමුත් මේ වනවිට ICC ජගත් ක්රිකට් පාලක මණ්ඩලය පවසා ඇත්තේ අනූෂ සමරනායක තරඟ පාවාදීමට සම්බන්ධ බවට සනාථ කළ හැකි කිසිදු සාක්ෂියක් ලැබී නැති බවයි.
ICC දූෂණ විරෝධී විධිවිධාන උල්ලංඝනය කළ බවට ACU දූෂණ විමර්ෂණ ඒකකය පැවැත්වූ පරීක්ෂණයේදී කිසිදු සාක්ෂියක් අනාවරණය වී නොමැති බැවින් ඔහුට විරුද්ධව කිසිදු පියවරක් ගැනීමට සූදානමක් නැති බවත් ICC පවසා තිබෙනවා.
ඒ බව දැනුම් දෙමින් ICCයේ ප්රධාන විධායක නිලධාරී ඩේවිඩ් රිචඩ්සන් අනූෂ සමරනායක වෙත යවන ලද ඊමේල් පණිවුඩයේ පිටපතක් හිරු ගොසිප් අපවෙතද ලැබී තිබෙනවා.
ශ්රී ලංකා කණ්ඩායමේ කුසල් ජනිත් පෙරේරා සහ රංගන හේරත් තරඟ පාවාදීම පිණිස යොදවා ගැනීමේ උත්සාහයක් පිළිබඳව ක්රීඩා අමාත්ය දයාසිරි ජයසේකර පසුගිය වසරේ FCID පොලිස් මූල්ය අපරාධ විමර්ශන කොට්ඨාශයට පැමිණිලි කර තිබුණු අතර ඒ කාලයේදී තරඟ පාවාදීමට සහාය දීමේ චෝදනා මත ශ්රී ලංකා ක්රිකට් ආයතනය අනූෂ සමරනායකගේ වැඩ තහනම් කර තිබුණා.
ඉන් අනතුරුව මෙම ක්රීඩකයන් දෙදෙනාත්, නායක ඇන්ජලෝ මැතිව්ස් සහ හිටපු කළමනාකාරවරයාත් කැඳවා පොලිසිය විසින් ප්රකාශ සටහන් කරගෙන තිබුණා.
අධිකරණයට ඉදිරිපත් කිරීමට තරම් කිසිදු බරපතල චෝදනාවක් එහිදී හෙළිදරවු නොවූ බැවින් එම පැමිණිල්ල ඉවත දමන ලද බව නම හෙළි නොකරන මෙන් ඉල්ලා සිටි පොලිස් මූල්ය අපරාධ විමර්ශන කොට්ඨාශයේ නිලධාරියෙක් බීබීසී සංදේශයට පවසා තිබුණු අතර කෙසේ පරීක්ෂණයේ ප්රතිඵලය කවරක් දැයි තමන්ට දැනුම් නොදීම තමන් ඇතුළු කණ්ඩායමේ ක්රීඩකයන් දැඩි මානසික අසහනයකට ලක් කරන්නක් බව පසුගිය එංගලන්ත සංචාරය අතරවාරයේ ක්රීඩක රංගන හේරත් පවසා තිබුණා.
මේ පරීක්ෂණවලට නම ඈඳුණු ගයාන් විශ්වජිත් නම් පුද්ගලයාගේද පරීක්ෂණ අවසන්ව ඇති බවට වාර්තා වන අතර ඔහු ක්රිකට් ආයතනයට සම්බන්ධ නොවන අයෙකු නිසාවෙන් ඒ සම්බන්ධව ක්රිකට් ආයතනයට ගැටලුවක් නොමැති බව පසුගියදා පැවති මාධ්ය සාකච්ඡාවකදී ක්රිකට් ආයතනය ප්රකාශ කළා.